Azərbaycanın basketbolun 3x3 növü üzrə qadın yığmasının Olimpiya Təsnifat Turnirindəki növbəti rəqibi bəlli olub.
Bizim.Media xəbər verir ki, Honkonqda təşkil olunan yarışın yarımfinalına yüksələn millimiz Macarıstanla qarşılaşacaq.
B qrupunda 2-ci yeri tutan komandamızın A qrupunun qalibi ilə dueli sabah baş tutacaq. Tiffani Hayes, Aleksandra Mollenhauer, Dina Ulyanova və Marsedes Uolkerdən ibarət yığmamız Paris-2024-ə yeganə vəsiqəni ələ keçirmək üçün bu matçların ikisində qalib gəlməlidir.
Millimiz sabah saat 11:30-da yarımfinal sınağına çıxacaq.
Digər yarımfinalda Niderlandla A qrupunun ikincisi Polşa görüşəcək.
Qeyd edək ki, yığmamız qrupda Çilini 17:14, Monqolustanı 13:12 hesabı ilə məğlub edib, Niderlanda uduzub – 11:15. Macarlar qrup mərhələsində Honkonqa (21:7), Polşaya (20:16) qalib gəlib, Misirə (17:20) uduzub.
Rəşad Rafiqoğlu, Bizim.Media
- A-
- A
- A+
İdman
20:47 / 13.04.2024
Millimizin yarımfinaldakı rəqibi müəyyənləşdi
Hazırda oxunan: Millimizin yarımfinaldakı rəqibi müəyyənləşdi
Hazırda oxunan: Millimizin yarımfinaldakı rəqibi müəyyənləşdi
187031
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.
