UEFA Çempionlar Liqasında 1/8 final mərhələsinin cavab oyunları baş tutub.
Bizim.Media xəbər verir ki, keçirilən iki cavab görüşündən sonra ilk iki 1/4 finalçı müəyyənləşib.
İtaliyada “Latsio”ya 0:1 hesabı ilə uduzan “Bavariya” bunun əvəzini doğma Almaniyada çıxıb.
Münxen təmsilçisi Harri Keyn (38 və 66-cı dəqiqə) və Tomas Müllerin (45+2) qolları sayəsində 3:0 hesablı qələbə qazanıb.
Digər cütlükdə “PSJ” Fransada olduğu kimi (2:0), İspaniyada da “Real Sosyedad”ı məğlub edib - 2:1.
Parislilərin heyətində 15 və 56-cı dəqiqələrdə Kilian Mbappe fərqlənib. Qonaqlarda Mikel Merino 89-cu dəqiqədə təsəlli qolunun müəllifi olub.
Beləliklə, “Bavariya” və “PSJ” Çempionlar Liqasında dörddəbir finala adlayıblar.
Bizim.Media
