Gənclər və İdman Nazirliyi və Azərbaycan Atletika Federasiyası və “Atletika” İdman Klubunun təşkilatçılığı ilə “Əməkdar məşqçi Aleksandr Antipovun xatirəsinə həsr olunmuş atletika üzrə Bakı beynəlxalq qış turniri”nə start verilib.
Bizim.Media xəbər verir ki, açılış mərasimində çıxış edən federasiyanın vitse-prezidenti Könül Nurullayeva və Gənclər və İdman Nazirliyinin sektor müdiri Sevda Mirzəyeva ənənəvi Antipov memorialının əhəmiyyətini qeyd edərək yarış iştirakçılarına uğurlar arzulayıb.
Saxa Respublikasının Yakut Tullanmaları milli idman növü federasiyasının icraçı direktoru Maksim Oeqosturov yüksək təşkilatçılığa görə minnətdarlığını çatdırıb. Respublika Olimpiya Mərkəzində keçirilən yarışda yerli idmançılarla yanaşı, Qazaxıstan, Qırğızıstan və Saxa Respublikasından (yakut tullanmaları növündə) 80-ə yaxın atlet mübarizə aparır.
Qeyd edək ki, 15-ci dəfə təşkil olunan turnir Paris Yay Olimpiya Oyunlarına lisenziya üçün normativlərin yerinə yetirilməsi və reytinq xallarının toplanması baxımından əhəmiyyət kəsb edir.
İlk yarış gününün nəticələri
60 metr məsafəyə qaçış
1. Əlhəm Nağıyev
2. Aleksey Əliəkbərov
3. Əli Abdiyev
60 metr məsafəyə qaçış
1. Lamiyə Vəliyeva
2. Fəridə Rzayeva
3. Anna Şumilo (Qazaxıstan)
Üç təkanla tullanma
1. Rüstəm Məmmədov
2. Cabir Əliyev
3. Qleb Qladilov (Qazaxıstan)
Üç təkanla tullanma
1. Valeriya Safonova (Qazaxıstan)
2. Dilyara Xaybullina (Qazaxıstan)
3. Anastasiya İvankina (Qazaxıstan)
Uzunluğa tullanma
1. Sergey Stepankovski (Qazaxıstan)
2. Cabir Əliyev
3. Temirlan Alimkulov (Qırğızıstan)
Uzunluğa tullanma
1. Fəxriyyə Tağızadə
2. Alina Çistyakova (Qazaxıstan)
3. Veronika Antropova
U-18 yaş kateqoriyası
60 metr məsafəyə qaçış
1. Həmid Nəbiyev
2. Əmir İsmayılov
3. Hüseyn İsmayılzadə
60 metr məsafəyə qaçış
1. İrina Konişeva (Qazaxıstan)
2. Safiya Kərimova
3. Fidan Osmanova
Uzunluğa tullanma
1. Qleb Qladilov (Qazaxıstan)
2. Kənan Bayramov
3. Əmir İsmayılov
Uzunluğa tullanma
1. İrina Konişeva (Qazaxıstan)
2. Mələk Hüseynova
Rəşad Rafiqoğlu, Bizim.Media
