Premyer Liqanın 9-cu turunda keçirilən “Neftçi” - “Qarabağ” oyunundan sonra insident yaşanıb.
Bizim.Media xəbər verir ki, Qarbağın futbolçusu Elvin Cəfərquliyevin çantası oğurlanıb.
Faktla bağlı DİN-in Mətbuat Xidmətinin əməkdaşı, polis mayoru Anar Qafarov bildirib ki, E.Cəfərquliyev qarşılaşmadan sonra çantasının oğurlanması barədə stadionda olan polis əməkdaşlarına məlumat verib:
“Futbolçunun çantasını oğurlayan stadiona azərkeş qismində gələn şəxs polislər tərəfindən müəyyən edilərək saxlanılıb və çanta sahibinə qaytarılıb. Bundan sonra E.Cəfərquliyev zərərçəkən şəxs kimi izahatının alınması üçün polis şöbəsinə dəvət edilib”.
Araşdırmalar davam etdirilir.
Həmin insidentin görüntülərini təqdim edirik:
Bizim.Media
