Joan Laporta "Barselona" klubunun prezidenti seçkilərində qələbə qazanıb.
İspaniyanın “Barselona” futbol klubunun prezidenti vəzifəsinə seçkilərdə bülletenlərin 80%-nin hesablanmasından sonra Joan Laportanın seçicilərin 57,91% səs yığdığı məlum olub.
Bizim.Media xəbər verir ki, bu, onu göstərir ki, riyazi nöqteyi-nəzərdən o artıq qələbəni əldən verməyəcək.
Seçkilərdə Laportanın rəqibləri Viktor Font və Toni Freyşa olublar. Onlar müvafiq olaraq 30,97% və 9,92% səs yığıblar.
"Barselona" artıq özünün tvitterdəki səhifəsində digər namizədlərin Laportanı təbrik eməsi barədə məlumat paylaşıb.
İspaniyanın "Barselona" futbol komandasının prezidenti vəzifəsinə yenidən seçilmiş 58 yaşlı hüquqşünas Joan Laporta argentinalı hücumçu Lionel Messinin komandadakı gələcək fəaliyyəti ilə bağlı fikirlərini bölüşüb.
"Mən Lionel Messiyə zəng vuracam. Mən Leonu qalmağa inandıra biləcəyəmmi? Bu ondan asılı olacaq, mən onun “Barsa”da qalması üçün öz gücüm və klubun iqtisadi imkanları çərçivəsində hər şeyi edəcəm", - deyə o bildirib.
Qeyd edək ki, Messinin "Barselona" ilə müqaviləsi iyunun 30-da başa çatır. Cari mövsümdə 33 yaşlı hücumçunun komandadakı hesabında 34 matçda 24 qol və 11 məhsuldar ötürmə var. (Report)
Bizim.Media
According to @RogerSaperas Laporta's Board: Mateu Alemany will be the Director of Football and Jordi Cruyff will be the Technical Secretary.#Barcelona #BarcelonaSC pic.twitter.com/iUVkCiuczb
— Ansah Apagya (@ansahapagya) March 8, 2021
