Türkiyənin "Beşiktaş" klubu "Sabah"ın onları xeyriyyə matçı üçün Bakıya dəvəti ilə bağlı sosial şəbəkə hesabındakı paylaşımına cavab verib.
Bizim.Media xəbər verir ki, İstanbul təmsilçisinin rəsmi Feysbuk səhifəsi vasitəsilə etdiyi paylaşımda "Sabah"ın dəvətini qəbul etdikləri bildirilib.
"Beşiktaş" "Sabah"ın türkcə paylaşımına Azərbaycan dilində cavab verib:
"Salam can qardaş,
Dəvətiniz üçün çox təşəkkür edirik. Azərbaycandakı qardaşlarımızla zəlzələdən zərər görmüş insanlara yardım məqsədilə keçiriləcək matç üçün Bakıya gəlməkdən böyük sevinc hissi duyarıq".
"Sabah" isə daha əvvəl türkcə bu sözləri paylaşmışdı: “Türkiyənin 120 illik çinarı, böyük “Beşiktaş”! Zəlzələdən əziyyət çəkənlər üçün təşkil olunacaq dostluq matçında sizi Bakıda qonaq etməkdən qürur duyarıq”.
Qeyd edək ki, Türkiyədə dəhşətli zəlzələdən zərərçəkənlərə yardım məqsədilə "Sabah"la "Beşiktaş"ın Bakıda xeyriyyə matçı keçirməsi nəzərdə tutulub. Görüşün mayın 13-də Tofiq Bəhramov adına Respublika stadionunda oynanılacağı planlaşdırılıb.
Bizim.Media
- A-
- A
- A+
İdman
20:51 / 02.05.2023
“Beşiktaş” “Sabah”ın mesajına “Can qardaş” deyə cavab verdi
Hazırda oxunan: “Beşiktaş” “Sabah”ın mesajına “Can qardaş” deyə cavab verdi
Hazırda oxunan: “Beşiktaş” “Sabah”ın mesajına “Can qardaş” deyə cavab verdi
133994
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.
