Azərbaycan Kuboku: Bu gün ikinci finalçı bəlli olacaq

Bu gün Azərbaycan kubokunda yarımfinal mərhələsinə yekun vurulacaq.  

Bizim.Media xəbər verir ki, sonuncu yarımfinal görüşü “Səbail”lə “Qəbələ” arasında baş tutacaq.  

Bu komandalar arasında Qəbələdə keçirilmiş ilk oyunda meydan sahibləri qələbə qazanmışdılar. Cavab görüşündə “Qəbələ”yə finala vəsiqə qazanmaq üçün heç-heçə də yetərlidir.

“Səbail” isə tarixində ilk dəfə finala çıxmaq üçün mütləq inamlı qələbə lazımdır.  

Xatırladaq ki, “Turan Tovuz”u iki oyunun nəticəsinə (2:0, 0:1) görə üstələmiş “Neftçi” artıq finaldadır. Kubokun həlledici oyunu iyunun 3-də “Bakcell Arena”da keçiriləcək. 

Azərbaycan kuboku 

Yarımfinalın cavab oyunu: 

“Səbail” – “Qəbələ” 

Hakimlər: Əliyar Ağayev, Zeynal Zeynalov, Akif Əmirəli, Tural Qurbanov 

Bakı. “ASCO Arena”, 20:00. 

İlk oyun – 2:3. 

Rəşad Rafiqoğlu, Bizim.Media