"Məğlubiyyət xoş deyil. Uduzmaq həmişə acı olur. Bu gün çempionatda ən ağır oyunlarımızdan birini keçirəcəyimizi bilirdik".
Bizim.Media xəbər verir ki, bunu "Kəpəz"in baş məşqçisi Tərlan Əhmədov Gəncədə "Sumqayıt"a 0:1 hesabı ilə uduzduqları Azərbaycan Premyer Liqasının XVI tur oyunundan sonra mətbuat konfransında deyib.
51 yaşlı mütəxəssis bildirib ki, ölkə kubokunda qalib gəldikləri komandaya qarşı matç futbolçularda arxayınlıq yarada bilərdi:
"Ona görə əvvəldən bunu demişdim. 2 futbolçunun olmaması meydançada sxemi dəyişdirmişdi. Zamiq Əliyev və Giorgi Kantariyanın yoxluğunu nəzərdə tuturam. Kantariyanın olmaması səbəbindən orta xəttdə topa nəzarəti itirmişdik".
Əhmədovun sözlərinə görə, artıq irəli baxmaq lazımdır:
"Hər halda hərdən enməlisən ki, qalxa biləsən. Uğurlu çıxışımızın davamını gətirmək istəyirdik. Amma alındıra bilmədik. Məğlubiyyətin səbəbkarı başda mənəm".
Bizim.Media
- A-
- A
- A+
İdman
17:50 / 04.12.2022
Məğlubiyyətin səbəbkarı mənəm - "Kəpəz"in baş məşqçisi
Hazırda oxunan: Məğlubiyyətin səbəbkarı mənəm - "Kəpəz"in baş məşqçisi
Hazırda oxunan: Məğlubiyyətin səbəbkarı mənəm - "Kəpəz"in baş məşqçisi
107804
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.
