Futbol üzrə Azərbaycan Premyer Liqasında XIII tura yekun vurulub.
Bizim.Media xəbər verir ki, günün ikinci oyununda "Qarabağ" "Kəpəz"i qəbul edib.
Tofiq Bəhramov adına Respublika Stadionundakı qarşılaşma "köhlən atlar"ın 3:1 hesablı qələbəsi ilə bitib.
Ağdam təmsilçisinin qollarını 16-cı dəqiqədə penaltidən Ramil Şeydayev, 76-cı dəqiqədə Musa Qurbanlı, 79-cu dəqiqədə Kvabena Ovusu vurub. Gəncə klubunun heyətində 75-ci dəqiqədə Yusif Nəbiyev fərqlənib. 88-ci dəqiqədə Musa Qurbanlı penaltidən yararlana bilməyib.
Bu nəticədən sonra xallarının sayını 36-a çatdıran "Qarabağ" liderliyini qorulub. "Kəpəz" 8 xalla 8-ci sırada qalıb.
Qeyd edək ki, günün ilk görüşündə "Sabah" səfərdə "Səbail"i iki cavabsız qolla üstələyib. Turun əvvəlki oyunlarında "Şamaxı" səfərdə "Turan Tovuz"a 3:1, "Qəbələ" evdə "Zirə"yə 1:0 hesabı ilə qalib gəlib, "Sumqayıt" - "Neftçi" matçı isə 2:2 hesablı heç-heçə ilə başa çatıb.
Bizim.Media
- A-
- A
- A+
İdman
02:39 / 07.11.2022
\"Qarabağ\" Premyer Liqada növbəti qələbəsini qazandı
Hazırda oxunan: \"Qarabağ\" Premyer Liqada növbəti qələbəsini qazandı
Hazırda oxunan: \"Qarabağ\" Premyer Liqada növbəti qələbəsini qazandı
103125
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.
