Bir gecədə iki ev yandı.
Bu barədə Fövqəladə Hallar Nazirliyindən Moderator.az-a məlumat verilib. Belə ki, ötən gecə Masallı rayonu, Qızılavar kəndində (rayon mərkəzindən 10 km aralı) vətəndaşa məxsus ev yanıb. Ümumi sahəsi 96 kv.m olan 3 otaqlı evin mətbəxi və ev əşyaları yanıb. Evin qalan hissəsi yanğından mühafizə olunub.
Digər yanğın hadisəsi isə Biləsuvar rayonu, Zəhmətabad kəndində baş verib. Rayon mərkəzinən 6 km aralıda yerləşən Zəhmətabad kəndində vətəndaşa məxsus ümumi sahəsi 120 kv.m birmərtəbəli 3 otaqlı evdə yanğın olub. Yanğınsöndürənlərin vaxtında müdaxiləsi nəticəsində evin tam yanmasının qarşısı alınıb. Yanğın nəticəsində ancaq evin bir otağı və əşyaları yanıb. Evin qalan hissəsi yanğından mühafizə olunub.
