9 avtomobil yanıb kül oldu.
Bakıda avtodayanacaqda yanğın baş verib.
Moderator.az -ın Fövqəladə Hallar Nazirliyinin saytına istinadən verdiyi məlumata görə, Yasamal rayonunda sahibi məlum olmayan, ümumi sahəsi 450 kv.m olan birmərtəbəli avtodayanacağın yanar konstruksiyaları və içərisində müxtəlif şəxslərə məxsus 9 ədəd müxtəlif markalı avtomobil yanıb.
Yaxınlıqdakı tikililər yanğından mühafizə olunub.
Yanğın saat 17:02-də yanğınsöndürənlər tərəfindən söndürülüb.
17:18
Bakının Tbilisi prospektində yerləşən Qafqaz otelinin yanındakı yarımtikilidə güclü yanğın olub.
Moderator.az xəbər verir ki, hadisə şahidlərinin SalamNews-a verdikləri məlumata görə, yanğın nəticəsində ərazidəki altı avtomobil yanaraq, külə dönüb.
Hadisə yerinə Fövqəladə Hallar Nazirliyinin yanğınsöndürənləri, təcili tibbi yardım avtomobilləri, o cümlədən post patrul xidmətinin əməkdaşları gəliblər.
Şahidlər bildirirlər ki, hava küləkli olduğundan yanğının otel binasına keçmə ehtimalı böyükdür.
Hazırda yanğının qarşısının alınması üzrə işlər aparılır.
