Bərdədə yol-nəqliyyat hadisəsi baş verib.
xa0
APA-nın bölgə müxbirinin məlumatına görə, hadisə Bərdə-Ağdam yolunun Şirvanlı kəndindən keçən hissəsində qeydə alınıb.
xa0
Rayonun Qurdlar kənd sakini Vüsal Abbasov idarə etdiyi VAZ-21011 avtomobili idarəetməni itirərək yolun kənarındakı yol nişanını aşırıb və ağaca çırpılıb. Nəticədə avtomobil aşıb. Əzilmiş avtomobildən sıxılmış vəziyyətdə qalan V. Abbasovu yolun kənarında satışla məşğul olan insanlar çıxarıblar.
xa0
Hadisə şahidləri Təcili Tibbi Yardıma zəng edərək qəza barədə xəbər veriblər. Bərdə Mərkəzi Rayon Xəstəxanasından APA-nın Qarabağ müxbirinə verilən məlumata görə, bud nahiyəsindən xəsarət alan V. Abbasovun həyatı təhlükəsi yoxdur. Ona lazımi tibbi yardım göstərilib.
xa0
Bərdə rayon Polis şöbəsinin Dövlət Yol Polisi bölməsinin əməkdaşları sürücünün avtomobildə tək olduğunu bildiriblər. Faktla bağlı araşdırmalar davam etdirilir.
