Şəki şəhərində həyətyanı sahədə baş verən yanğın söndürülüb.
Bizim.Media xəbər verir ki, bu barədə Fövqəladə Hallar Nazirliyi (FHN) məlumat yayıb.
Məlumata görə, 6 ton ot bağlamasının 2 tonu və yaxınlıqda ümumi sahəsi 24 m² olan talvarın yanar konstruksiyaları yanıb. Ot bağlamalarının qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.
***
Şəkidə kol-kosdan başlayan yanğın əvvəlcə yol kənarındakı ağaclara, oradan da fərdi təsərrüfatlara keçib.
Bizim.Media xəbər verir ki, yanğın rayonun Aşağı Küngüt kəndi ərazisində başlayıb.
Sakinlərin sözlərin görə, yanğın kol-koslardan başlayıb:
“Daha sonra alovlar bir neçə istiqamətdə genişlənərək yolun kənarındakı ağaclara, oradan da yaxınlıqdakı fərdi təsərrüfatlara keçib”.
Alovun söndürülməsi üçün əvvəlcə kənd sakinləri səfərbər olub. Havanın küləkli olması yanğınların bir neçə istiqamətdə genişlənməsinə və daha böyük əraziləri əhatə etməsinə səbəb olub.
Hazırda ərazidə yanğın davam edir.
Hadisə yerinə Şəki Yanğından Mühafizə Hissəsinin yanğınsöndürənləri cəlb olunub.
Bizim.Media
