Mingəçevir olaylarının pərdəarxası

Mingəçevir şəhər sakini Bəhruz Hacıyevin şəhər polis şöbəsinə gətiriləndən bir müddət sonra vəfat etməsinin doğurduğu ictimai rezonansa davam edir. Məhz məlum olayla bağlı yaşanan ictimai narazılığın nəticəsidir ki, hadisədən sonra polis şöbəsi qarşısında aksiya keçirən bir qrup sakinlə polis arasında gərginlik yaşanmış, qarşıdurma nəticəsində 4 polis əməkdaşı xəsarət almış, bir polis avtomobili isə yararsız vəziyyətə düşmüşdür.

Şübhəsiz, törətdiyi əməlin və ya yol verdiyi qanunsuzluğun miqyasından asılı olmayaraq vətəndaşın polis şöbəsində istənilən səbəbdən dünyasını dəyişməsi arzuedilməzdir və bu, ictimai rəydə müəyyən şübhələrə səbəb olur. Lakin proseslərin polislə vətəndaşlar arasında kütləvi qarşıdurma ilə nəticələnməsi də yolverilməzdir və bu, ölkəd axilində ictimai sabitliyin pozulmasına, cəmiyyətdə polisə qarşı nifrət və güvənsizliyin formalaşmasına sitimul verir.

Yəqin ki, Mingəçevir Şəhər Polis Şöbəsində baş verən olayla bağlı aparılan araşdırmalar yekunlaşandan sonra baş verən hadisənin mahiyyəti daha aydın bəlli olacaq və bütün müqəssirlər layiqli cəzasını alacaqdır. Lakin proseslərin gedişində yaşanan bəzi maraqlı məqamlar var ki, bu məqamların təhlili bütövlükdə dövlət və dövlətçiliyin qorunması baxımından zəruri və vacibdir.

Bir gəncin ölümü və Mingəçeviri bürüyən atəş

Bəhruz Hacıyevin ölümü fonunda müşahidə edilən qəribəliklərdən biri hadisədən qısa müddət sonra Mingəçevir və ətraf rayonlarda əhalinin ayağa qalxması, şəhər polis şöbəsinin önünə axışaraq qisasçı şüarlar səsləndirməsi oldu. Maraqlıdır ki, bu günə qədər müxtəlif dövlət orqanlarının qarşısında və ya qəbul şöbələrində kifayət qədər ölüm hallları baş versə də, bu olayların heç biri ilə bağlı hər hansı etiraz aksiyası baş verməmiş, olaylar bunca geniş rezonans və qarşıdurmaya səbəb olmamışdır.

Ötən ilin dekabr ayında 14 saylı zonda məhbus Elşad Babayevin, 2011-ci ilin avqust ayında Naxçıvan MTN-də Turac Zeynalovun, 2011-ci ilin martında Əmlak Məsələləri üzrə Dövlət Komitəsi yanında Daşınmaz Əmlakın Dövlət Reyestr Xidmətinin Bakı şəhər Ərazi İdarəsində Rauf Əliyevin və s.ölümü hər hansı kütləvi etiraz aksiyası ilə müşahidə edilmədi. Halbuki bu və bu qəbildən olan xeyli sayda hadisədə ölüm faktı daha müəmmalı şəraitdə baş vermiş, bu hadisələrin bəzisi ilə bağlı xeylis ayda maddi sübut, eləcə də fotoşəkillər ölkə mediasına, sosial şəbəkələrə yol atpmışdı. Lakin Mingəçevir Şəhər Polis Şöbəsində baş verən ölüm hadisəsi tamam fərqli olaylarla səbəb oldu ki, bu olayların təsadüfdən daha çox məqsədli şəkildə meydana çıxması ehtimalı daha inandırıcı görünür.

DİN-i “vurmaq”x9d kimə sərf edir?

Əslində Mingəçevirdə baş verən olayların mahiyyətini anlamaq, xalqın kütləvi şəkildə polisə qarşı cəbhə almasının səbəbini dərk etmək, məlum ssenarinin kim tərəfindən idarə edildiyini başa düşmək üçün DİN-nin hədəf alınmasının kimlərin marağına daha çox cavab verdiyini araşdırmaq lazımdır. Araşdırmaq lazımdır ki, DİN-i “vurmaq”x9d, polis əməkdaşlarını gözdən salmaq, cəmiyyətdə polisə qarşı inamsızlıq yaratmaq, DİN rəhbərliyini ictimaiyyət və ölkə başçısı qarşısında pis vəziyyətdə qoymaq kimə daha çox sərf edir.

Maraqlıdır ki, Mingəçevir olayları ilə bağlı bəyanat yayan DİN Mingəçevir Şəhər Polis Şöbəsində baş verən ölüm hadisəsindən bəzi qüvvələrin sui-istifadə etmək istədiyinə diqqət çəkmiş, bu cür halların qarşısının alıacağını bildirmişdi: Baş vermiş bədbəxt hadisədən təəssüfləndiyimizi bildirir və mərhum Bəhruz Hacıyevin valideynlərinə başsağlığı veririk. Eyni zamanda, diqqətə çatdırırıq ki, bu hadisədən sui-istifadə edən destruktiv elementlərin təhriki ilə şəhərdə ictimai qaydanı və sabitliyi pozmağa cəhdlərin qarşısı qətiyyətlə alınacaq, təqsirkar şəxslər barədə qanunvericiliyə uyğun tədbir görüləcək”x9d.

Hadisələrin qısa zaman kəsimində genişlənməsi, anti-polis etirazlarının bir anda Mingəçevir və ətraf rayonları əhatə etməsi olayların mütəşəkkil şəkildə, süni qarşıdurma və konfilikt yaratmaq sahəsində ciddi səriştəyə malik qüvvələr tərəfindən həyata keçirildiyini düşünməyə əsas verir.

Və bu yerdə yada daha çox bank mafiyası və onların arxasında dayanan bəzi qüvvələr düşür. Beynəlxalq Bankda yaşanan proseslər, milyonlarla, milyardlarla vəsaitin mənimsənilməsi və bu mənimsəmənin Azərbaycanın iqtisadi müstəqilliyi üçün doğurduğu təhlükə hər kəsə bəllidir. Və bu da sirr deyil ki, dövlətə və ölkə  başçısına qarşı yol verilən maliyyə xəyanətinin arxasında dayanan qüvvələr yalnız həbs edilən və ya istintaqda olanlarla yekunlaşmır. Hələlik azadlıqda gəzən bir çox iş adamı və məmur var ki, onların Beynəlxalq Bankın “səxavətindən”x9d kifayət qədər faydalandığı məlumdur və özlərini toxunulmaz hesab edən bu şəxslərin həbsi hər an reallaşa bilər. Çox güman ki, məhz bu qüvvələr diqqəti Beynəlxalq Bankla bağlı yaşanan olaylardan yayındırmaq, ölkə başçısının, eləcə də ictimaiyyətin diqqətini tamam başqa məcraya yönəltmək üçün Mingəçevir hadisələrindən faydalanmağa çalışırlar.

Hər halda bu gün baş verən proseslərin təhlili göstərir ki,  Mingəçevir Şəhər Polis Şöbəsində baş verən ölüm hadisəsini ümumşəhər etirazına çevirmək, DİN-i xalqın, emosional kütlənin hədəfinə çevirmək daha çox onların marağına cavab verir.

Yəqin ki, qanunsuz etiraz aksiyaları ilə bağlı araşdırma aparan DİN-nin apardığı təhqiqatların nəticəsində bu olayların əsl müəllifinin kimliyi bəlli olacaq, vətəndaş-polis qarşıdurması timsalında xalq-hakimiyyət qarşıdurması yaradan qüvvələr ölkə başçısı tərəfindən cəzalandırılacaqdır.