Akademik Milli Dram Teatrının aktyoru xalq artisti Ramiz Məlik, həmkarı Ramiz Novruzun üzrxahlığını qəbul edib.
Bu barədə Ölkə.Az-a Ramiz Məlik özü məlumat verib:
"Mən ağsaqqallıq elədim, Ramiz Novruzun mədəniyyətdən, tərbiyədən kənar sözlərini onun özünə qaytarmaq şərtilə bağışladım. Mənə qarşı işlətdiyi bütün nalayiq ifadələri etiraf etdi və dediklərini özünə götürdü. Bildirdi dəfələrlə üzr istəyirəm. Mən də indi polis bölməsindən gəlirəm. Saat 3-də də kollektiv qarşısında məndən üzr istəyəcək. Mən onu teatr kollektivinə, teatrın imicinə və uşaqlarına görə bağışladım".
Qeyd edək ki, iki gün öncə Ramiz Novruz həmkarı Ramiz Məliklə mübahisə zəminində onu vurmuşdu.
