“7 Hills”x9d (“7 təpə”x9d) layihəsinin marketinq meneceri Nərmin Quliyeva bu yaşayış kompleksinin aqibətinə dair bəzi məqamları aydınlaşdırıb.
Virtualaz.org saytının redaksiyası ilə əlaqə saxlayan N.Quliyeva deyib ki, Mədət Rüstəmovun hazırda “7 Hills”x9d layihəsinə heç bir aidiyyəti yoxdur.
“Layihə başlayanda o, özünün menecment komandası ilə birlikdə layihənin idarəedicisi kimi gəlmişdi. Lakin Beynəlxalq Bankla bağlı problemlər yaranandan və tikinti ləngiyəndən sonra Mədət Rüstəmov layihədən uzaqlaşdı. Hazırda onun “7 Hills”x9d layihəsinə heç bir bağlılığı yoxdur”x9d- deyə menecer bildirdi.
N.Quliyeva onu da bildirdi ki, M.Rüstəmov “Yeni Həyat”x9d şirkətlər qrupunun Direktorlar Şurasının sədri yox, üzvü olub. Və “7 Hills”x9d şirkətinə hazırda Nicat Kərimov başçılıq edir. Şirkətin təsisçiləri haqda isə məlumat açıqlanmır.
“İstəsəniz bu haqda Vergilər Nazirliyinə sorğu ilə müraciət edə bilərsiniz”x9d- menecer deyib.
Layihənin taleyinə gəldikdə isə N. Quliyeva bildirdi ki, “7 Hills”x9d layihəsi Azərbaycan Beynəlxalq Bankı ilə birbaşa əməkdaşlıq çərçivəsində həyata keçirilən layihədir: “7 Hills”x9d mənzil-tikinti kooperativi (MTK) ilə “Azərbaycan Beynəlxalq Bankı”x9d ASC arasında birgə fəaliyyət haqqında 22 dekabr, 2014-cü ildə bağlanmış müqaviləyə əsasən layihənin satışı üçün müştərilərin ipoteka krediti vasitəsilə maliyyələşdirilməsi və ümumiyyətlə layihənin tikintisinin maliyyələşdirilməsi barəsində bankla razılığa gəlinib. Lakin bankda baş verən struktur dəyişiklikləri nəticəsində bu proses dayandırılıb”x9d.
Menecerin sözlərinə görə, “7 Hills”x9d layihəsi çərçivəsində yığılmış ödənişlərin bir qismi bankdakı hesabda dondurulub: “Bununla əlaqədar olaraq tikintinin həyata keçirilməsində 3 aylıq ləngimə əmələ gəlib. Buna baxmayaraq sahibkarların hesabına tikintidə bəzi işlər aparılıb və layihənin sənədləşdirilməsi işləri qismən başa çatdırılıb. Hazırda layihənin dayandırılması barədə MTK-nın təsisçiləri tərəfindən hər hansı bir qərar verilməyib. Eyni zamanda layihənin maliyyələşdirilməsi ilə bağlı bankla danışıqlar davam etdirilir. Layihədə ləngimə olsa belə, müştərilər tərəfindən ödənilmiş vəsaitlərdə problemdən söhbət belə gedə bilməz.
MTK-nın təsisçiləri tərəfindən verilmiş qərara əsasən, alınmış mənzilləri geri qaytarmaq istəyən müştərilərin müraciətlərinə baxılaraq ödənişlərin hissə-hissə geri qaytarılması nəzərdə tutulub.
Bunun üçün hal-hazırda müraciətlərə baxılır, analiz edilərək ödəmə qrafiki tərtib olunur. Bu əməliyyat hazırda təsisçilərin vəsaiti hesabına həyata keçirilir. Bankda dondurulmuş vəsaitdən istifadə edilməsi barədə hələ razılığa gəlinməyib”x9d.
N.Quliyeva virtualaz.org saytına onu da bildirib ki, “7 Hills”x9d layihəsinin gələcək taleyi, tikinti işlərinin nə vaxt başlayacağı ilə bağlı rəsmi açıqlama sentyabr ayında veriləcək. Onun sözlərinə görə, layihə üzrə tərəfdaş Beynəlxalq Bank olaraq qalır və “Bank Technique”x9d ilə əməkdaşlıq müvəqqəti xarakter daşımaqla ancaq müştərilərdən ödənişləri qəbul etmək üçün idi.
