“Hakimiyyət seçki ab - havasının formalaşmasında maraqlı deyil”x9d

Azərbaycanda parlament seçkiləri yaxınlaşsa da, bu amil ictimai-siyasi atmosferdə demək olar ki, hiss edilmir. İstər siyasi partiyalar, istərsə də ictimaiyyət daha çox öz gündəlik qayğıları ilə məşğul olmaqda, sanki yaxınlaşmaqda olan seçki prosesini məqsədli şəkildə görməzdən gəlməkdədir.

Maraqlıdır, parlament seçkiləri öncəsi müşahidə edilən mövcud süstlük və ədalətliliyin səbəbi nədir? Doğrudanmı, artıq bu seçkilər siyasi partiyalar, eləcə də cəmiyyət üçün heç bir anlam ifadə etmir? Seçkilərin şəffaf və demokratik ortamda keçiriləcəyinə inam necə, mövcuddurmu?

Bununla bağlı Moderator.az-a açıqlama verən Müsavat Partiyası Divanının üzvü Vəfa Cümşüdlü maraqlı fikirlıər səsləndirib:

“Təəssüflər olsun ki, seçkilərə az bir müddət qalsa da ölkədə seçki abu-havası hiss olunmur. Həm hakimiyyətin özü bunda maraqlı deyil, həm də cəmiyyətdə bu prosesə maraq azdır. Çünki insanları düşdükləri problemlərdən çıxış yolları maraqlandırır. Ancaq unutmaq olmaz ki, hər bir problemin həlli vətəndaşın ölkədə baş verən proseslərdə aktivliyindən və onun özünün bu proseslərdə birbaşa iştirakından keçir.

İndiki vəziyyətdə süstlük olsa da, seçkilərə start verilən gündən aktivliyin olacağına əminəm. Seçkilərin şəffaf və demokratik keçirilməsini təmin etməyin yollarından biri də seçkilərə qoşulmaq, seçki prosesində aktivlik nümayiş etdirməkdir və bu səbəbdən də biz istənilən halda mübarizəmizi davam etdirəcəyik”x9d.

Seymur Əliyev