Bakı Şəhər İcra Hakimiyyətinin başçısı Hacıbala Abutalıbov dəyəri 5-10 milyon manat məbləğində olan 42 villanın söküləcəyini bildirib. Mer bildirib ki, bu villalar xalqın pulu ilə tikilib, çünki onları sadə vətəndaşların halal qazanc yolu ilə tikməsi mümkünsüzdür.
Bəzi ictimai-siyasi
xadimlər, hüquqşünaslar isə hesab edir
ki, xalqın pulu ilə tikilən bu villaların sökülməsi deyil, xalqa qatarılması,
dövlətin balansına keçirilməsi daha məntiqli olardı. Bundan başqa, onların bəzisi
Bakı ŞİH-nin başçısı kimi H.Abutalıbovun da cəzalandırılmasının vacibliyi qənaətindədirlər.
Moderator.az saytı və “Hürriyyət”x9d
qəzetinə açıqlamasında məsələyə münasibət bildirən hüquqşünas Əyyub Kərimov H.Abutalıbovun
həbs edilməsinin zəruriliyinə toxunub:
“Hesab edirəm ki, şəhər
meri prezidentin keçirdiyi tədbirdə dərhal həbs olunmalı idi. Bütün cinayətlərin
başında bu adam dayanır. Türmə onun üçün çoxdan ağlayır. Amma çox təəssüf ki,
prezident həmin tədbiri görmədi. Çünki həmin iclasda həbs edilməsi gərəkən iki
şəxs var idi ki, onlardan biri və birincisi Hacıbala Abutalıbovdur.
H.Abutalıbovun özü də özündə təpər tapıb istefa verməli idi. Yaxşı, tutaq ki, baş
verənlərdən prezidentin xəbəri yoxdur. Əgər sənin də rəhbəri olduğun şəhərdən xəbərin
yoxdursa, o zaman sən nə mer, nə rəhbərsən? Onda sən nə ilə məşğulsan?”x9d.
Ə.Kərimov villaların
sökülməsinin da lüzumsuz addım olduğunu qeyd edib:
“O villalar tikilibsə,
onları sökmək nəyə lazım idi? Onu dövlətin maraqları üçün müsadirə etmək
olardı. Bizim elə alimlərimiz, elm xadimlərimiz, sənətkarlarımız var ki, onların
bu gün evi, şəraiti arzuedilən vəziyyətdə deyil. Madam ki, bu villalar xalqın
pulu ilə tikilib, o zaman həmin villaları xalqın dəyər verdiyi, xalq üçün
çalışan bu insanlara vermək olardı. Bu artıq tikilib, artıq var. Onu söküb
yerində ağac əkmək xalqa nə fayda verəcək ki? Tikiblər yaxşı. Sahibləri çıxmır,
lap yaxşı. Həmin villaları dövlətin balansına keçirmək və daha sonra elmi
yaradıcılıq işində böyük uğrular qazanan şəxslərə, həqiqi alimlərə vermək
olardı”x9d.
Ə.Kərimovun sözlərinə görə,
əgər mərhum prezident Heydər Əliyev sağ olsaydı, o zaman iclas zamanı iki dövlət
məmuru dərhal həbs ediləcəkdi:
“H.Abutalıbov doğrudanmı
bu günə qədər bilməyib ki, həmin villaların sahibi kimdir, onlar qanunsuz inşa
olunub? Əgər bilməyibsə, bu o deməkdir ki, yerində deyil. Mən bir daha bildirirəm
ki, türmə H.Abutalıbov üçün çoxdan ağlayılr. Amma çox təəssüf ki, prezident
özündə o cəsarəti tapmadı. Həmin an, həmin saatda H.Abutalıbovu vəzifədən azad
etməli idi. Əminliklə deyirəm, əgər Heydər Əliyev sağ olsaydı, iki adam orda dərhal
həbs olunacaqdı. Bunlardan biri FHN-nin rəhbəri K.Heydərov, digəri isə
H.Abutalıbov idi. İ.Əliyev isə cəsarətsizlik göstərdi və bu yöndə hər hansı
addım atmadı”x9d.
