“Azərbaycanda heç bir terror təşkilatı terrakt həyata keçirə bilməz”x9d

Bugünlərdə ASALA terror təşkilatı Türkiyədə Çanaqqala zəfərinin 100 illiyi münasibəti ilə keçiriləcək tədbirdə iştirak üçün dəvət alan ölkələri, eləcə də Azərbaycanı hədələyib. Terror təşkilatı 24 aprel tarixində keçiriləcək mərasimdə iştirak edəcək dövlətlərin terrarktlara məruz qalacağını bildirib.

Çanaqqala zəfərinin 100-cü ildönbümü münasibəti ilə keçiriləcək tədbirlərdə iştirakı şübhə doğrumayan bir neçə dövlət var ki, bunlardan da biri Azərbaycandır. Heç şübhə yoxdur ki, cari ilin 24 aprel tarixində rəsmi Bakı Ankarada kifayət qədər sanballı nümayəndə heyəti ilə təmsil olunacaq ki, bu da ASALA terror təşkilatının terror hədəsinə yaşıl işıq yandırmaq deməkdir.

Maraqlıdır, Azərbaycan tarixdə kifayət qədər qanlı terror olaylarına imza atan ASALA terror təşkilatının təhdidini ciddiyə almalıdırmı? Bu gün ölkənin hüquq-mühafizə orqanları zəngin terrorçuluq təcrübəsinə malik təşkilatların terrakt cəhdlərinin qarşısını alacaq səviyyədədirmi? ASALA Azərbaycana münasibətdə bu hədələri reallığa çevirə bilərmi?

Bununla bağlı Moderator.az saytı və “Hürriyyət”x9d qəzetinə açıqlama verən Milli Məclisin Təhlükəsizlik və Müdafiə Komitəsinin sədr müavini, millət vəkili Aydın Mirzəzadə ASALA-nın məlum açıqlamasını erməni millətçiliyinin mahiyyətini açan növbəti fakt kimi dəyərləndirdi: “ASALA özünün terrorçu mahiyyətini, erməni milliyyətçiliyinin əsl üzünü bu bəyanatla bir daha sübut etmiş oldu. Bu gün dünyanın terrora qarşı aşkar və qəti şəkildə neqativ münasibət ortaya qoyduğu bir zamanda erməni millətçilərinin terror dilində danışması onların əsl mahiyyətini bütün dünyaya bir daha göstərmiş oldu”x9d.

Azərbaycanda təhlükəsizlik məsələlərinə ciddi önəm verildiyinə diqqət çəkən millət vəkili, ASALA terror təşkilatının hədəsindən çəkinmək üçün heç bir əsasın olmadığını bildirdi. A.Mirzəzadənin sözlərinə görə, Azərbaycan istənilən terror təşkilatının terrakt cəhdini zamanında almağa və bu cür təşkilatları neytrallaşdırmağa qadirdir:

 “Təhlükəsizlik məsələsinə gəlincə, qeyd etmək lazımdır ki, Azərbaycanda təhlükəsizlik hər zaman yüksək səviyyədə qorunub. Bunun nəricəsidir ki, Azərbaycanda hər bir vətəndaş həm öz mənzilində, həm də ictimai yerlərdə özünün tamamilə təhlükəsiz hiss edir. Bu, həm bizim vətəndaşlara, həm də Azərbaycanda yaşayan xarici vətəndaşlara aiddir. Yalnız ASALA-nın deyil, istənilən terror təşkilatının Azərbaycan daxilində hansısa terrakt aktı törətməsi qeyri-mümkün olan bir məsələdir. Azərbaycanda dövlətçilik və onun əsasları kifayət qədər ciddi şəkildə qorunub və bu gün də qorunmaqdadır”x9d.

A.Mirzəzadənin qənaətincə, ASALA-nın bu açıqlaması digər ölkələrdə də onun əleyhinə işləyəcək:

 “Hesab edirəm ki, ASALA terror təşkilatının bu bəyanatına xaricdə də ciddi şəkildə yanaşacaqlar. Terror olaylarının baş verməsi üçün gərəkli olan müvafiq tədbirlər həyata keçiriləcək”x9d.

Seymur Əliyev