“APA Holdinq”x9d MMC APA adından sui-istifadə halları ilə bağlı bəyanat yayıb.
Bəyanatda bildirilir ki, son vaxtlar “APA Holdinq”x9də daxil olan Azəri-Press Agentliyinin (APA) adından sui-istifadə halları ilə bağlı məlumatlar var.
Araşdırmalar nəticəsində məlum olub ki, apanews.info adı ilə qeydiyyatdan keçmiş saytın əməkdaşları dövlət qurumlarına və iş adamlarına özlərini APA-nın əməkdaşı kimi təqdim edirlər.
“APA Holdinq”x9d qeyd edir ki, şirkətə apanews.info adlı sayt daxil deyil. Şirkət APA adı ilə müraciət olunan zaman hər kəsdən xidməti vəsiqəni tələb etməyə, ehtiyac yarandığı zaman şirkətlə əlaqə saxlamağa və qanundan kənar tələblər olduqda, dərhal hüquq-mühafizə orqanlarına müraciət etməyə çağırır.
“APA Holdinq”x9d bildirir ki, Azərbaycanda APA brendinin rəsmi patenti bu şirkətə məxsusdur. Azərbaycan Standartlaşma, Metrologiya və Patent üzrə Dövlət Komitəsi tərəfindən verilmiş â„–2014 1048 nömrəli Əmtəə Nişanı Şəhadətnaməsinə əsasən, 27.06.2014-cü il tarixdə dövlət reyestrində qeydiyyata alınmış “APA”x9d nişanı “Azəri Press Agentliyi”x9d nə məxsusdur. Dövlət Komitəsinin 14.04.2014-cü il tarixli qərarı ilə “APA TV”x9d əmtəə nişanın da patentləşdirilməsinə dair â„– 2014 1046 nömrəli Şəhadətnamə alınıb.
Beləliklə, bu ad altında reklam, internet vasitəsilə xəbər portallarına çıxışın təmin olunması xidmətləri, tərbiyə etmə, tədris prosesinin təmin edilməsi, əyləncələr, idman, mədəni-maarif tədbirlərinin təşkili sahələri yalnız "APA Holdiqnq"ə məxsusdur və bu sahələr mühafizə olunan sahələridir. Dövlət Komitəsinin rəsmi sənədindən də aydın olur ki, APA brendinin rəsmi sahibi “APA Holdinq”x9d MMC-dir.
Çox təəssüf ki, bir müddət öncə Azərbaycanda milli domen satışı ilə məşğul olan “Network technolog”x9d şirkəti apanews.az və apatv.az domenlərini də şirkətin rəsmi razılığı olmadan başqa şəxslərə satıb. Şirkətin bununla bağlı etiraz məktubundan sonra apanews.az domeni fəaliyyətini dayandırsa da, domenlərin heç biri şirkətə qaytarılmayıb, əskinə apatv.az domeninin istifadə vaxtı “Network technolog”x9d şirkəti tərəfindən uzadılıb.
“APA Holdinq”x9d məsələni hüquq çərçivəsində həll etməyə qərar verib. Bununla bağlı artıq Standartlaşma, Metrologiya və Patent üzrə Dövlət Komitəsinə rəsmi məktubla müraciət olunub. Eyni zamanda “Network technolog”x9d şirkətinə xəbərdarlıq məktubu göndərilib.
Yaxın günlərdə isə şirkət apanews.info domeni ilə fəaliyyət göstərən saytın təsisçisi Emil Tahirov, apanews.az domeninin sahibi Əflatun Məmmədov, həmçinin apatv.az domeninin sahibi ilə bağlı hüquq-mühafizə orqanlarına müraciət edəcək.
"APA Holdinq" öz brendlərini qorumaqda israrlıdır və bunun üçün qanun çərçivəsində lazım olan addımları atmağa davam edəcək.
