Türkiyədə sosial medianın dövlət tərəfindən tənzimlənməsi ilə bağlı qanunvericiliyə edilən dəyişiklik Azərbaycanda da sosial medianın hökumət tərəfindən tənzimlənməsi məsələsini gündəmə gətirib. Bununla bağlı Moderator.az-a açıqlama verən millət vəkili Fəzail Ağamalı Azərbaycanda da sosial medianın dövlət tərəfindən tənzimlənməsinin zəruri olduğunu qeyd etdi:
“Azərbaycanda təbii ki,
sosial medianın dövlət tərəfindən tənzimlənməsinə ehtiyac var. Mən bu fikri 2-3
il bundan öncə demişəm. Sosial mediada ölkədə sosial gərginliyi artıran, milli
mentalitetimizə, milli dəyərlərimizə təhdid yaradan fikirlər yer alır. Sosial
media bir virus kimi insanların içinə düşüb və uşaqdan böyüyə qədər hər kəs bu
gün bu virusun daşıyıcısıdır. Insanların düşüncəsini, şüurunu, təfəkkürünü
sosial şəbəkələr əməlli-başlı zəbt edib. Mənə məlumatlar çatır və bu məlumatlardan
bəlli olur ki, sosial şəbəkələr səbəbi ilə çoxlu sayda ailə dağılır. Nə qədər
insan üz-üzə dayanır? Qardaş bacıyla, bacı bacıyla, ata övladla, ana balası ilə
üz-üzə dayanır. Buna hansısa formada bir əncam çəkmək lazımdır”x9d.
Seymur Əliyev
