Son vaxtlar bəzi rus politoloqları Qarabağ savaşının başlayacağı təqdirdə Rusiyanın neytral mövqe nümayiş etdirəcəyi ilə bağlı fikirlər səsləndirir. Maraqlıdır, bu açıqlamalar rəsmi Bakını müharibəyə sövq etmək məqsədinə xidmət edə bilərmi?
Bununla bağlı
Moderator.az-a açıqlama verən millət vəkili Fazil Mustafa bu ehtimalın
mümkünlüyünə diqqət çəkdi:
“Təbii ki, burada təxribat
elementləri də ola bilər. Kimlərsə, hansısa qüvvələr öz silah ixracatlarını
artırmaq, hansısa iqtisadi-siyasi maraqlarını təmin etmək üçün bu savaşda
maraqlı ola bilərlər. Odur ki, Qarabağ məsələsində məntiqli və soyuqqanlı olmaq
lazımdır. Kiminsə sözü ilə qızışıb hərəkətə keçmək böyük itkilərə səbəb ola bilər.
Azərbaycan bu cür ciddi və həlledici qərarları özü üçün sərfəli zaman və şərtlər
daxilində qərar verməlidir”x9d.
Seymur Əliyev
