Müsavat Partiyası başqanlığına sabiq namizəd Qubad İbadoğlu APA-ya açıqlamasında partiyanın avtoritar üsullarla idarə olunduğunu vurğulayıb və qeyd edib ki, qarşıdakı günlərdə növbədənkənar qurultayın çağırılmasına nail olmağa çalışacaqlar.
Maraqlıdır,
proseslər Müsavat daxilində daha
ciddi parçalanmalara səbəb ola bilərmi? Vəziyyətdən çıxış yolu nədən ibarətdir?
Bununla
bağlı Moderator.az-a açıqlama verən Müsavat Partiyası Məclisinin üzvü Mustafa
Hacıbəyli məsələ ilə bağlı maraqlı fikirlər səsləndirib. M.Hacıbəyli
Q.İbadoğlunun narahatılğı üçün əsas görmədiyini vurğulayıb:
“Müsavat öz yolunu gedir və
gedəcək. Qubad bəyin dediyiniz bu ittihamı əsassızdır. Əvvəlki illərdə də
partiyanın qərarına zidd gedənlər partiyadan çıxarılıb. Məsələn, Müsavatın
mövqeyinə zidd getdikləri üçün Vaqif Səmədoğlu, Vidadi Mahmudlu, Şirzad Əyyub
kimi adamlar partiyadan çıxarılıb. Amma bu qərarlar diktaturaya səbəb olmayıb.
Qubad bəy narahat olmasın. Müsavat dünyanın ən demokratik partiyasıdır.
Sualınızın ikinci hissəsinə gəldikdə, bu barədə Siyavuş Novruzov da bəyanat
verib. Amma Müsavat S.Novruzovun sözü ilə idarə olunmur və olunmayacaq”x9d.
Seymur
Əliyev
