AXCP sədrinin müavini Gözəl Bayramlı Moderator.az-a açıqlamasında Azərbaycandakı xarici ölkə səfirlərinin siyasi fəallarla bağlı keçirilən məhkəmə prosesində iştirakının zəruri olduğunu vurğulayıb. G.Bayramlının sözlərinə görə, bu, məhkəmə hökmlərinə təsir göstərməsə də, mövcud reallıqların bilavasitə müşahidəsi baxımından əhəmiyyətlidir:
“Səfirliklərin
məhkəmə proseslərində iştirakına normal baxıram, hətta bunu vacib hesab edirəm.
Səfirliklərin məhkəmələrdə iştirakının qanunsuz, sifarişlə çıxarılan hökmlərin
qarşısını alacağını düşünmürəm. Ancaq hesab edirəm ki, bu, Azərbaycanda məhkəmə
sisteminin müstəqil olmadığına, tamamilə hakimiyyətin siyasi sifarişləri əsasında
hökm çıxardığına canlı şahid olan xarici səfirliklərə Azərbaycan həqiqətlərini
daha real müşahidə etmək imkanı verər. Yəni bütün dünya anlayar ki, Azərbaycanın
ən böyük problem mövcud rejimdir”.
Seymur
Əliyev
