MDHP-nin sədri, millət vəkili Fərəc Quliyev Qurban bayramı münasibəti ilə Azərbaycan xalqını təbrik edib. Moderator.az-a daxil olan təbrik məktubunda deyilir:
“Sayqıdıyır Azərbaycan xalqı!
Sizi dünya müsəlmanlarının birlik, həmrəylik və qardaşlıq rəmzi olan müqəddəs
Qurban bayramı münasibətilə ürəkdən təbrik edir, xalqımıza və Bütöv
Azərbaycanın hüdudlarından kənarda yaşayan soydaşlarımıza ən səmimi arzu və
diləklərimi yetirirəm.
Qurban bayramı insanlıq tarixinin möhtəşəm səhifəsini təşkil edən islamın yer
üzünə göndərilməsini özündə etiva edir. Bu əlamətdar gündə müsəlmanlar islam
ayinlərini icra etməklə, xeyirxah əməllərlə hər cür fədakarlığa hazır olmanın
və Tanrıya yaxınlığın sevincini yaşayırlar.
Bu mübarək bayram günlərində xalqımızın və dövlətimizin əmin-amanlığı naminə
etdiyiniz duaların, kəsdiyiniz qurbanların Tanrı dərgahında qəbul olunmasını
diləyirəm.
Sizi, Müqəddəs Qurban bayramı münasibəti ilə təbrik edir,
Sizə can sağlığı, milli və şəxsi səadət arzulayıram.
Tanrı Sizi və Millətimizi qorusun!”
