AŞPA sədri Ann Brasör Baş Prokurorluqda keçirdiyi görüşdə Azərbaycanda korrupsiyaya qarşı aparılan mübarizəni yüksək qiymətləndirib. Lakin A.Brasörün bu fikri müstəqil hüquqşünaslar tərəfindən heç də birmənalı qarşılanmayıb.
Moderator.az-a
açıqlamasında məsələyə münasibət bildirən hüquqşünas Əyyib Kərimov A.Brasörün
bu açıqlaması ilə bağlı konkret fikir yürütməyin çətin olduğunu vurğuladı:
“Ədalət naminə qeyd edək
ki, Baş Prokuror yanında Korrupsiyaya Qarşı Baş Mübarizə İdarəsinin əməyini
danmaq günah olar. Bu idarə korrupsiyaya qarşı mübarizə istiqamətində lazımi
addımlar atır. Lakin mənim şəxsi fikrim bundan ibarətdir ki, ölkədə
korrupsiyaya qarşı mübarizə yüksək səviyyədə deyil. A.Brasörün bu fikirləri nəyin
əsasında səsləndirdiyini deyə bilmərəm. Ola bilsin ki, o, sırf statistik məlumatları
əsas götürərək belə deyib. Lakin bu bir faktdır ki, mübarizə var, lakin bunu
yüksək, qənaətbəxş hesab etmək olmaz”.
Seymur Əliyev
