Moderator.az-a müraciət edən Ağdaş rayonunun Kotanarx kəndi sakini Həsənov Faiq Bədrəddin oğlu həqiqi hərbi xidmət zamanı yaralanmasına baxmayaraq bu vaxta qədər heç bir statusla təmin edilmədiyindən şikayətlənib:
“1993-cü
ilin18 oktyabr tarixində həqiqi hərbi xidmətə çağrılmlşam. Qarabağın azadlığı
uğrunda gedən döyüşlərdə ağır yaralanıb hərbidən təxris edilsəm də indiyə qədər
mənə nə Qarabağ müharibəsi əlili, nə də müharibə veteranı statusu
verilmir. 18.10.1993-cü il tarixdə Ağdaş Rayon Hərbi Komissarlığı tərəfindən
həqiqi hərbi xidmətə çağrılmışam. N saylı hərbi hissədə 18 gün qulluq etdikdən
sonra digər hərbi hissəyə gönərilmişəm və döyüşlərə qatılmışam.
Döyüş
yollarım Fizuli və Murov ərazilərini əhatə edib. 16.mart 1994-cü il tarixdə
başımdan aldığım güllə yarasına görə Gəncədə yerləşən hospitala gətirildim. İki
aylıq müalicədən sonra hərbi xidmətə yararsız kimi təxris edildim. Bütün qanunu sənədlərimin
olmasına və döyüş yoldaşlarımın bunu təsdiq etmələrinə baxmayaraq, indiyə qədər
əlillik və yaxud veteran statusu ala bilmirəm. Müdafiə Nazirliyinə və digər
orqanlara etdiyim müraciətlərə başdansovdu, yalan cavablar verilir. İstənilən
rüşvəti versəm mənə ya Qarabağ müharibəsi əlili, yaxud da veteranı statusu
verilər. Ancaq himayəmdə olan 3 azyaşlı uşaqlarımı güclə dolandırıram. Maddi
imkanım yoxdur. Torpaqlarımızın azadlığı uğrunda canımdan keçməyə həmişə
hazıram. Qoy bəzi yaramazlar kapital toplamağı düşünsün , mən isə vətənimin
suverenliyini düşünürəm. Mətbuat vasitəsi ilə ali baş komandan cənab
İlham Əliyevə , müdafiə naziri cənab Zakir Həsənova və Şəxsi Heyət Baş İdarəsinin
rəisi cənab Kərim Vəliyevə müraciət edib xahiş edirəm mənim Qarabağın azadlığı
uğrunda gedən döyüşlərdə iştirak edib yaralanıb hərbidən təxris edildiyimi nəzərə
alıb qanunu statusla təmin olunmağıma köməklik göstərəsiniz”.
