“Dilqəmi ən azı iki generala dəyişərlər...”

İşğalçı Ermənistan hətta 5 nəfərlik erməni ailəsi və diversantın meyitindən imtina etməklə Dilqəmlə Şahbazı verməyəcəyini ortaya qoymuş oldu.

 Moderator.az Kəlbəcərin keçmiş deputatı Əlövsət Ağalarovdan yaranmış durum barədə nə düşündüyünü, çıxış yolu kimi nə təklif etdiyini soruşub və aşağıdakı cavabı alıb:

“Dilqəmlə Şahbazla bağlı fikirlərimi hələ onlar tutulanda bildirmişəm. Onda da isti-isti demişdim ki, dərhal müharibəyə başlayıb Dilqəmgili və Dilqəmgil kimi yüzlərlə girovumuzu, eyni zamanda torpaqlarımızı azad etməliyik. İndi də bu fikrimdə qalıram.  Təkcə Dilqəm 3 milyon dığadan üstün və cəsarətlidir. Hər iki Dünya Müharibəsi bir nəfərin öldürülməsiylə başlayıb. Rusiyanın başı Ukraynaya və Malayziya təyyarəsinə qarışdığından biz əlimizə düşən fürsətdən yararlanmalıydıq. Dünya Rusiyaya imkan verməzdi ki, bizimlə müharibəyə başlasınlar. Heç Rusiyanın özü də belə kritik və onun üçün ağır məqamda özünə qarşı üçüncü cəbhənin açılmasına rəvac verməzdi. İndi kiminləsə, hansısa dığayla dəyişməyi də ermənilər qəbul etmirlər. Çünki onlar Dilqəmi yaxşı tanıyırlar, hansı şücaətin, hünərin sahibi olduğunu gözəl bilirlər. Onlar Dilqəmi ən azı bir-iki generala dəyişərlər. İndi məqamdır ki, Dilqəm kimi bir-iki oğul çıxsın meydana, cəbhə bölgəsindəki sərhəddi keçib bir-iki erməni generalını qulaqlayıb gətirsin ki, bəlkə Dilqəmlə dəyişələr. Ümumiyyətlə, mənim və hesab edirəm ki, əksəriyyətin fikri budur ki, biz respublikamızın daxilində antiterror əməliyyatı keçirib torpaqlarımızı girovlarımızla bərabər mənfur düşməndən azad etməliyik. Bu işdə bizə nə ATƏT, nə BMT, nə də digər qısır təşkilatlar kömək etməyəcək.”