“Qurultayın keçirilməməsi Musavatın fəaliyyətinə maneçilik törədir, ona görə ekstremal şəraitdə də olsa belə bu qurultay keçirilməlidir”. Bunu Moderator.az-a açıqlamasında partiyanın Divan üzvü Tural Abbaslı deyib. Onun sözlərinə görə, nə qədər ki, qurultay məsələsi gündəmdədir, istəsək də istəməsək də bu partiyada müəyyən qeyri-müəyyənliklərə yol açır və proseslərin normal məcrasında axarına maneçilik yaradır:
“Ona görə
də ümumiyyətlə bu qurultay məsələsi gündəmdən çıxarılmalıdır. Ya keçirilməlidir,
ya da ki, bu məsələ kənara qoyulmalıdır. Bu baxımdan hesab edirəm ki, ən
ekstremal şəraitdə belə bu qurultay keçirilməlidir.”
T.Abbaslı
onu da əlavə etdi ki, Bakı şəhər meriyasından qərarından asılı olmayaraq, qurultay
keçilməlidir:
“Meriya
vaxtı ilə qurultayın şadlıq saraylarından birində keçrilməsi təklifini də verib
və bu istiqamətdə də işlərimiz davam edir. Qurultayın şadlıq saraylarından
birndə keçrilməsi də istisna deyil.”
O, eyni
zamanda Qurultaya Hazırlıq üzrə Təşkilat Komitəsinin iclasında yaranmış gərgin
müzakirərlərə də aydınlıq gətirərək deyib ki, baş verənlər mətbuatdakı kimi
olmayıb və həqiqəti əks etdirmir.
