Sabah keçmiş millət vəkili, təqdimata ehtiyacı olmayan Gülər Əhmədovanın doğum günüdür. Ad günü öncəsi onunla həmsöhbət olmaq fürsəti əldə etmişik. söhbətimizi Moderator.az oxucularına təqdim edirik:
-Gülər xanım, hansı yaş dövründən sonra insan
daha da duyğusallaşır və bu dünyanın fani olduğuna inanmağa başlayır?
-Hər insanda bu yaş fərqlidi.Ümumiyyətlə,
duyğusallıq xarakterə və cinsələ bağlı bir mövzudur. Qadınlar kişilərə nisbətən
daha duyğusal olurlar. Qadınları daha çox duyğusal edən onların ana olmasıdır,
hətta deyərdim ki, övladlarının sayı daha çox artdıqca qadınlar daha çox
duyğusal olur. Əlbəttə ki, bu hər kəs üçün norma deyil.
-Biz niyə qazandıqlarımızı öz xidmətimiz hesab
etdiyimiz halda işimiz dara düşəndə fələkdən və alın yazısından gileylənirik?
-Alın yazısının olması aksimoadır, bütün səmavi
kitablar bunu deyir, ümumiyyətcə bu, səmavi dinlərin ən çox müzakirə olunan
mövzusudur və müxtəlif teoloqların əsərlərində alın yazısının müxtəlif
açıqlamaları var. Mənim inandığım versiya ondan ibarətdir ki, hər bir insanın dünyaya gəlişində xüsusi bir
məna var. Dünyanın tarazlığının pozulmaması üçün xeyir və şər missiyalı
insanlar bu dünyaya əlli-əlliyə nisbətində
gəlirlər. Hər iki missiya ilə gələn insanların yaşamının qayəsi nəticədə xeyirin və ya şərin bitməsi
ilə bağlıdır. Dünyanın gözəlliyi ondadır
ki, xeyir əmməllər missiyasi ilə
gələn insanlar çalışıb hətta şər qüvvələrini
belə, xeyirli işlərə yönətməlidirlər. Mənim dediklərimin ən gözəl nümunələri səmavi
kitablarin, əsasən də “Qurani-Kərim”in ayələrində özünü göstərir, belə ki,
insanın böyüklüyü, mənəvi kamilliyi onun günah işləməməsində deyil, günah işləyib
tövbəkar olmasındadır. Bunun ən gözəl
nümunələrindən biri Qəzalinin “Tövbəkar” bəndələrə verdiyi açıqlamasındadır. Qəzali
yazir ki, “Qurani-Kərim”də Allah "mən
günah işlətməmiş deyil, günah işləyib tövbə edən bəndələrmi çox sevərəm" Hətta siz günah işlətməmiş olsaydınız belə, mən
sizin qövnünüzü silib yerinə günah işləyib tövbə edən bəndələr gətirərdim. Ilk
insan və peyğəmbər olan Adəm günah işlədib tövbə etdikdən sonra Allah ona peyğəmbərlik
bəxş edir. Bu baxımdan insanın günah işlətməsi normaldır, vacib olanı insanın
günahını dərk etməsi və tövbə etməsidir. Bu yerdə Həzrət Əlinin bir sözü yadıma
düşdü:- "Insan üç şeydə səhv etməməlidir: özünə peşə, həyat yoldaşı və
dost seçərkən. Çünki bunların səhvini bir ömür boyu ödəyərsən. O baxımdan alın
yazımızda bizi sınağa çəkə biləcək Imanımızı ağlımızı, əxlaqımızı yoxlayacaq çətin
situasiyalar nəzərdə tutulub. Əgər biz imansız, əqidəsiz olsaq bu imtahandan
qeyri-kafi qiymət alacağıq, amma bunun
sınaq olduğunu dərk edib də var gücümüzlə şükürlü və səbrli bəndələr olsaq əlbəttə
ki, imtahanımızın cavabı müsbətdir. Alın
yazısının interpartik məqamları yalnız bunlardı.
-Sovetlər dönəmində bir yəhudi müəllimim
vardı, deyirdi ki, bu azərbaycanlılar qəribə millətdi, hamı taleyindən şikayətçidi,
amma kimsə buna görə özünü günahlandırmaz...
-Mənim də repressiya və sürgün yaşamış, yaxşı
və pis günlər görmüş uzun ömürlü rəhmətlik nənəm deyərdi ki, ay bala, bu dunyada
atasından-anasından, oğlundan-qızından, ərindən-arvadından,
qonşusundan-dostundan, fələkdən ”“zəmanədən şikayət edən çox adam gördüm, amma
ağlından şikayət edən heç kəsə rast gəlmədim ...
-Bəlkə günahkar axtarmaqda milli
yanlışlığımızdandır ki, bəzən qurunun oduna yaşı da yandırırıq və günahsıza
günah yükləyirik...?
-Qurunun oduna yaşın yanmasə hər zaman olub və olacaq, amma bu, cəmiyyətdə
elə bir təlatüm yaradır ki, mövcud
quruluşlar pozulur, formasiyalar dəyişir. Çünki məzlumun ahı heç zaman yerdə
qalmır. Tarixin parlaq şəxsiyyətlərindən biri olan Heydər Əliyev deyirdi ki
"günahkar cəzasız qalanda və günahsız cəzalandırılanda dövlət sarsılar”.
Bu gün Ermənistan kimi bir dövlətin
böyük sarsıntı və fəlakət içərisində yaşamasının əsas səbəbi odur ki,
onun başında əli günahsız körpələrin və qocaların qanına bulaşmış şəxslər
durur. Unutmamalıyıq ki, odlar içərisində
yanan Şərq və Qərb məhz dünyanın günahkarlara cəza kəsməsinin nəticəsidir.
-Allahla başbaşa qalmaq insanda hansı hissləri
oyadır?
-Allaha baş-başa qalmaq əslində artıq hər bir insan üçün onun həyatının
böyük qələbəsidir. Bu o deməkdir ki, bu insan yaradanını və özünü tanıyır.
Yaradanını və özünü tanıyan insan məğlubedilməzdir. Çünki Yaradanını tanıyan insan əlindən hər an çıxa
biləcək dünyaya və onun nemətlərinə deyil, yaradanına baglıdir. Belə insanların
əlindən hər şeyi almaq olar, lakin nəticədə heç nəyi almaq olmaz. Məsələn, Mubariz İbrahimov kimi şəxslər bunun bariz
nümunələridir.
-Belə bir deyim var ki, Rəbbimiz bəndəsinə çəkə
bilməyəcəyi yükü yükləməz. Buna əmin oldunuzmu?
-Dediyiniz bu fikir “Qurani-Kərim”in “Bəqərə”
surəsinində öz əksini tapıb. O baxımdan
bu danılmaz faktdır.
-Moderator.az-a həbsinizin ilk günlərində
verdiyiniz müsahibədə belə bir maraqlı ifadə işlətmişdiniz ki, Elşad Abdullayevə
sizə dostlarınızı tanıtdırdığı üşün minnətdarlıq düşür. Çoxmu çıxdaş
etdiniz...?
-Çıxdaşı mən yox, həmin adamlar özləri etdilər
və bununla da həm cəmiyyətə mesaj verdilər ki, onlara güvənmək olmaz və bununla
da öz nüfuzlarına ciddi zərbə vurdular, eyni zamanda, Allah qarşısında günah
qazandılar. Nəticədə mən yox, onlar itirdilər.
-Qaynana olmağa hazırlaşmırsınız? Toğrul artıq
sizə ötənlərdəki ağrı-acını unutduracaq yaşa və statusa gəlib-ali təhsillidir və
hərbi xidmətini başa vurub.
-Məni qaynana edə biləcək iki oğlum var. Bütün
analara onların ocaqlarını əxlaql-namuslu,
mədəni, tərbiyəli, xoş niyyətli gəlinlər arzulayıram. Həmçinin də özümə,
inanıram ki, Allahım mənə bu gözəl günləri yaşadar, Inshallah. Hal- hazırda
oğul toyu görmək ən böyök arzumdur.
-Həyatınızın ən əzablı ad günü barədə
soruşmayacam, bəs ən unudulmaz xoş duyğular yaradan doğum gününüz nə vaxta təsadüf
edib?
-Bütün doğum günlərimi sevirəm. Çünki bütün doğum günlərimdə Allahın mənə bəxş elədiyi və əmanət
verdiyi insanlar, yəni valideynlərim,
övladlarım, bacı ”“qardaşlarım, ailəm və qohumlarım yanımda olub. Allah qismət eləsin ki, bir də heç vaxt doğum günümü istəmədiyim məkanlarda
qarşılamayım.
-Heç elə olub ki, sizi təbrik edən bir
dostunuzdan incidiyinizə görə təbrikini qəbul etməyəsiniz və bunu nümayişkaranə
şəkildə ona bildirəsiniz?
Ardını sabah oxuya biləcəksiniz...
