Moderator.az xəbər verir ki, Ana Vətən Partiyası İsmayıllı rayon təşkilatının ofisinin açılışı olmuşdur. Açılışda AVP Mərkəzi Aparatının rəhbəri Elçin Ağamalı, Gənclər təşkilatının sədri Mikayıl İbrahimov və İsmayıllı rayon təşkilatının bir qrup fəalı iştirak etmişdir.
Elçin Ağamalı çıxışında İsmayıllı rayon təşkilatının ofisinin açılışının
partiya həyatında mühüm hadisə olduğunu və rayon təşkilatının fəaliyyətində
əhəmiyyətli dərəcədə müsbət rol oynayacağını bildirdi. E.Ağamalı həmçinin,
partiyanın qarşısında duran vəzifələrdən, qarşıdan gələn bələdiyyə seçkilərinə
hazırlıqdan danışdı və Anavətənçiləri bələdiyyə seçkilərində aktiv şəkildə
iştirak etməyə çağırdı.
Mikayıl
İbrahimov da çıxışı zamanı partiya sıralarına gənclərin cəlb
olunmasının, sosial şəbəkələrdə təbliğat işinin daha da gücləndirilməsinın
vacib amil olduğunu bildirdi. Eyni zamanda AVP İsmayıllı rayon təşkilatının sədri, Şahməmməd
Dağlaroğlu, sədr müavini Bəhrəm Əzizov və Qadınlar Şurasının
sədri Çinarə Bəhərçinli çıxış edərək partiya fəallarını ofisin açılışı
münasibətilə təbrik etdilər. Tədbir çərçivəsində Şahməmməd
Dağlaroğluna, Bəhrəm Əzizov,
Çinarə Bəhərçinliyə, Valeh Əliyevə, Elxan
Qəniyevə səmərəli partiya
fəaliyyətlərinə görə xatirə hədiyyələri təqdim edildi.
Tədbirin Sonunda isə Ana Vətən Partiyası İsmayıllı rayon təşkilatının sədri, “İsmayıllı xəbərləri"
qəzetinin baş redaktoru, Azərbaycan
Yazıçılar Birliyinin üzvü, şair-jurnalist Şahməmməd Dağlaroğlu son “Cinaz bulağı ” kitabının nüsxələrini tədbir iştirakçılarına hədiyyə etdi.
