Bir neçə gün öncə keçmiş deputat Nazim Məmmədova məxsus “Atahan Dəmir-Sənaye” şirkətinə ölkənin dəmir sənayesinin inhisarçısı kimi tanınan “Baku Steel Kompany”nin rəhbəri Rasim Məmmədovun qoçu dəstəsinin hücum etməsi cəmiyyətdə ciddi rezonans doğurmuşdu. Eks-deputat başına gələnlərlə bağlı hüquq-mühafizə orqanlarına və pezidentə də müraciət edərək bu özbaşınalığa son qoyulmasını tələb etmişdi.
Xatırladaq
ki, daha bir məhşur iş adamı Nurəddin Zülfüqarlı da bir neçə il öncə Rasim Məmmədovla
münaqişə yaşamışdı və hətta əlində olan dəmir sənayesi profilli müəssisələrini dəyər-dəyməzinə
verməklə canını həbsdən qurtarmışdı. Həmin vaxtdan ölkədən perik düşərək Türkiyədə
yaşayan N. Zülfüqarlı müəssisələrini geri qaytarmaq üçün günü bu gün də hüquqi
müstəvidə dava aparır, ancaq bəlli səbəblərdən hələ ki, bu cəhdlər bir fayda
vermir...
Moderator.az
Nazim Məmmədovun başına gələnlərlə bağlı Nurəddin Zülfüqarlının mövqeyini öyrənib.
Müsahibimiz nə qədər qəribə səslənsə də Rasim Məmmədovun qoçuluğuna haqq
qazandırıb:
“Rasim Məmmədov əgər elə bir iş edibsə, düz edib. Səbəbini də deyim. Çünki vaxtilə ilk dəfə Rasim Məmmədovun qoçuluğu ilə üzləşərkən mən məsələni ictimailəşdirəndə Nazim Məmmədov belə bir şərh vermişdi ki, guya biz o müəssisələri zamanında düzgün almamışıq, hansısa əyri yollardan keçmişik, ona görə bu problemləri yaşayırıq. Bir sözlə, o vaxt o dolayısıyla da olsa Rasim Məmmədovun əməllərinə bəraət qazandırmşıdı. Amma indi artıq onunla da Rasimin arası dəyib və əslində bu, gözlənilən idi. Nazim vaxtında bizim başımıza gətirilənlərə düzgün reaksiya versəydi, özü də o vaxt cəmiyyətdə kifayət qədər tanınmış, deputat olan bir şəxs idi, o vaxt tərəf saxlamasaydı, mən də bu gün onun tərəfində olmağa tələsərdim. Bilirsiniz bu gün Rasim Məmmədov niyə belə at oynadır? Ona görə ki, bu gün Nazim Məmmədovlar çoxdur cəmiyyətdə. Nurəddin Zülfüqarlılar çox olsaydı, hər kəs haqqını tələb etsəydi, hamı haqqını tələb edənin yanında olsaydı, Rasim kimilər də bu gün at oynatmazdı. İndi növbə Nazim Məmmədovlara da çatıb. Halbuki o işi açarkən də mən Nazimə kömək eləmişəm, bu gün onun işləri də vaxtilə mənim ona verdiyim çörəkdir. O vaxt o nə deputat idi, nə də cəmiyyətdə tanınan bir adam. Amma o çörəyə xəyanət elədi. Ona görə də o bu gün öz əkdiyini biçir.”
Sahibkardan
“bəs Rasim Məmmədova nə vaxt sıra catacaq” sualına cavab istədik. Bildirdi ki,
ona çoxdan sıra çatıb: “O təpədən dırnağınadək cinayətin içərisindədir və o özü
də bunu yaxşı bilir, ona görə də müqavimət göstərir. Amma məncə ona da tezliklə sıra çatacaq.”
N.
Zülfüqarlıdan Rasim Məmmədovla aralarında davam edən məhkəmə çəkişmələrinin
taleyi barədə də soruşduq. Bildirdi ki, məhkəmələr davam edir, ancaq heç bir
yenilik yoxdur və Azərbaycan məhkəmələri sifarişlə işlədiklərindən acizliklərinin
nümayişini davam etdirirlər: “Hüquqi yolla mücadiləmizi davam etdiririk. Ancaq
etiraf edim ki, heç bir irəliləyiş yoxdur. “
Sonda
didərgin sahibkardan bir suala da cavab istədik ki, hüquqi müstəvidən başqa
onunla Rasim Məmmədov arasındakı münaqişənin hansısa yolla çözümü və dil tapılması barədə söz-söhbət olmayıb ki?
Müsahibimiz
bildirdi ki, əvvəllər belə vasitəçilk cəhdləri olub və sonda bəlli olub ki,
bunlar səmimi istək deyilmiş və vaxt qazanmağa xidmət edirmiş: “İndi də müəyyən
fikirlər olur, hərə bir şey deyir. Amma real olaraq ortada bir şey yoxdur.”
