“Hər şeyi zaman göstərəcək”.
Bunu Moderator.az-a açıqlamasında hüquq müdafiəçisi Səidə Qocamanlı millət vəkili Siyavuş Novruzovun “Leyla Yunus çalışır ki, onu və həyat yoldaşını həbs etsinlər” kimi fikrilərinə münasibət bildirərkən deyib. Onun sözlərinə görə, bu məsələdə kiminsə nə isə söyləməsi əhəmiyyətsizdir:
“Bu, istər millət vəkili olsun, istərsə də hüquq müdafiəçisi. Hər şeyi zaman göstərəcək. Bu məsələ araşdırılır. Lakin Rauf Mirqədirovu açıq-aşkar həbsə təhrik edilməsi, özü-özlüyündə yolverilməzdir. Hesab edirəm ki, Rauf Mirqədirovun təqsirkar olması əvvəl sübut olunmalıdır, daha sonra həbs edilməlidir”.
Qeyd edək ki, “Zerkalo” qəzetinin jurnalisti Rauf Mirqədirov erməni kəşfiyyatına xəbər ötürməkdə günahlandırılır. Leyla Yunusun adı isə Rauf Mirqədirovun həbsi zamanı casusluq edənlər arasında səsləndirilib.
