Aprelin 9-da sovet qoşunlarının Tiflisdə qırğınlar törətməsinin 25-ci ildönümdür. Bu münasibətlə "Borçalı" İctimai Cəmiyyəti bəyanatla çıxış edib. Moderator.az-a göndərilən bəyantda deyilir:
9 aprel 1989-cu il Tbilisidə rus qoşunları Gürcüstan Milli Azadlıq mübarizəsini yatırtmaq üçün dinc əhalinin üzərinə qoşun yeritdi. Nəticədə onlarla dinc sakin həlak oldu və ya yaralandı. Ancaq bu qətliam Gürcü xalqının Azadlıq uğrunda mübarizə əzmini sındıra bilmədi. 9 aprel qırğını nəticə etibarı ilə sovet siyasi sisteminin iflası, gürcü xalqının bir vahid olaraq birləşməsi və milli müstəqillik uğrunda mübarizədə ardıcıl olmaları ilə nəticələndi. Odur ki, 9 aprel 1989-cu il tarixi Tbilisidə Milli həmrəylik, vətəndaş sülhü və şəhidlərin anım günü kimi qeyd edilir.
“Borçalı” Cəmiyyəti 9 aprel 1989-cu ildə baş verənləri həm
doğma Gürcüstana imperiya təfəkkürünün təcavüzü, Gürcüstan cəmiyyətinin əhəmiyyətli, ayrılmaz
hissəsi olan Borçalı türklərinin və bütövlükdə Azərbaycanımızın faciəsi
olmaqla, həm də QƏHRƏMANLIQ tarixi kimi dəyərləndirir. Bu gün yenidən qaniçən
imperiya hərbi-siyasi sistemi bütün
vasitələrlə öz
azadlığı və suverenliyi uğrunda mübarizə aparan xalqları, o cümlədən Gürcü
xalqını öz əsarətinə almaq istəyindədir. Hesab edirik ki, insanlar heç də
uzaqda olmayan 9 aprel Tbilisi, 20 yanvar Bakı, 26 fevral Xocalı qətliamını
yaddan çıxartmamalı, şəhidlərin qanı, millətin iradəsi ilə qazanılan müstəqilliyi
qorumaq və gərəkən fədakarlığı göstərməyə hazır olmalıdırlar. Bununla şəhidlərimizin
ruhunu şad edə bələrik. Allah bu yolda Gürcü xalqına və Azərbaycan xalqına güc versin.
Allah bütün şəhidlərimizə rəhmət eləsin.! Amin.
