Elçibəyin sahibsiz qalmış şok müraciəti Moderator.az-da

Hazırda oxunan: Elçibəyin sahibsiz qalmış şok müraciəti Moderator.az-da

39983

Müsavatla AXCP arasındakı qalmaqal ötənlərdə baş verən və bu və ya digər formada bu iki partiya arasında yaşanan xoşagəlməz olaylara dəxli olan bir ilginc informasiya əldə etmişik. Belə ki, bu gün savaşan hər iki tərəf az qala sinəsinə döyərək "Elçibəy" desə də bəlli olur ki, sağlığında rəhmətliyi pərt edən və çoxlarının bilmədiyi bir olay da yaşanıb. Sən demə, 1993-cü ildə Elçibəy Kələkidən Azərbaycan xalqına bir müraciət göndərir. Ancaq bu müraciət o vaxta təsadüf edir ki, artıq Heydər Əliyev oktyabrın 3-də prezident seçilmiş, andiçmə mərasimi keçirilmiş və prezident səlahiyyətlərinin icrasına başlamışdı. Ancaq maraqlıdır ki, həmin vaxt Elçibəyin müraciətinə heç bir qəzet sahib çıxmır. Nə "Yeni Müsavat", nə "Azadlıq", nə də "Cümhuriyyət" qəzetləri həmin müraciəti vermirlər. Nəticədə həmin müraciət yalnız "Hürriyyət" qəzetində gedir, özü də "Azərbaycan Respublikasının Prezidenti Əbülfəz Elçibəyin Azərbaycan xalqına müraciəti" başlığı altında. Həmin yazı senzurada ciddi qalmaqala səbəb olur və iş gedib Heydər Əliyevədək çıxır. Bu barədə növbəti materialda. Həmin prosesin iştirakçısı özü danışacaq nələrin baş verdiyini...

Sonda onu xatırladaq ki, "Hürriyyət" qəzetinin o vaxtkı sahibi Qurban Məmmədov hələ də həbsxanada, indiki sahibi Sərdar Cəlaloğlu isə adıçəkilən partiya rəhbərləri tərəfindən qəbuledilməz persona statusunda. Halbuki 2003-cü ildə hamı gizlənməyə deşik axtaranda Sərdar Cəlaloğlu 16 oktyabrda İsa Qəmbəri Azərbaycan Respublikasının prezidenti seçilməsi münasibəilə təbrik edən ilk siyasi lider idi, elə bu təbrikinə görə də həbs olundu. Fərqi Siz də hiss edin, cənablar və alicənab olmağı bacarmayan kəslər...