Xəbər verdiyimiz kimi dünən Milli Şura özünün növbəti sessiyasını keçirib. Tədbir zamanı “El” hərəkatının həmtəəsisçisi Milli Şuranın icra aparatının rəhbəri Eldar Namazovun vəzifəsində istefası məsələsinə baxılıb və şura üzvləri tərəfindən qəbul olunub.
Moderator.az-a açıqlama verən “El” hərəkatının üzvü, politoloq Zəfər Quliyev Eldar Namazovun aparat rəhbəri vəzifəsindən istefa məsələsinə aydınlıq gətirib:
Hesab edirəm ki, Eldar Namazovun bu addımını ictimailəşdirməyə ehtiyac yoxdur. O, sadəcə olaraq vəzifəsindən istefa edib və Milli Şuranın üzvü kimi bu qurumda öz fəaliyyətini davam etdirəcək. Eldar Namazov “El” hərəkatına daha çox vaxt ayırmaq istəyir.”
Xəyal Əzizov
