Dünəndən etibarən Sumqayıt “BT”-sində ciddi təftişlərə start verilib. Bu barədə Moderator.az saytını bilgiləndirən mənbənin sözlərinə görə, baş idarə əməkdaşları tərəfindən aparılan təftiş prosesinin iki həftə davam edəcəyi gözlənilir: “Təftiş prosesi ümumrespublika səviyyəsində aparılan silsilə yoxlamaların davamı kimi həyata keçirilir. İlin sonuna kimi respublikanın bütün iri şəhər və rayonlarında “BT”-lərin fəaliyyətini yoxlamağa qərar verən Dövlət Əmlak Komitəsi iki həftə ərzində Sumqayıtdakı işlərin vəziyyəti ilə tanış olacaq. Təftiş prosesi çərçivəsində komissiya üzvlərinin ərazilərlə tanış olacağı, yerlərdəki vəziyyəti də öyrənəcəyi gözlənilir”.
Məlumat üçün qeyd edək ki, bundan öncə
respublikanın müxtəlif şəhərlərində aparılan təftiş prosesi nəticəsində onlarla
“BT” əməkdaşı ciddi şəkildə cəzalandırılmış, bir çoxları isə işdən azad
edilmişdir.
