Bir neçə gün öncə, "Hafka" ləqəbli məşhur iş adamı Hafiz Məmmədovun Fransadan olan iki jurnalistə dəyəri 16 min dollar olan iki qol saatı hədiyyə etməsi və jurnalistlərin bu hədiyyəni qəbul etməyərək "Sərhədsiz Repartiyorlar" təşkilatına təhvil verdikləri haqda məlumat yayılmışdı.
Avropa.info "Hafka"nın bağışladığı 16 min dollarlıq saatların təyinatı ilə bağlı sensasion məlumat əldə edib. Aldığımız məlumata görə, Sərhədsiz Repartiyorlar" təşkilatı saatların xərraca çıxarılaraq, pulunun Azərbaycan mətbuatına xərclənməsi haqda qərar qəbul edib. Belə ki, satılan saatlardan gələn gəlirin xaricdən yayımlanan "Azərbaycan saatı" proqramının yenidən efirə getməsi üçün xərclənəcəyi bildirilir. Bu məqsədlə "Azərbaycan saatı"nın müəllifi ,tanınmış jurnalist Qənimət Zahidlə danışıqlar aparıldığı bildirilir. Sərhədsiz reportyorlar bununla "Azərbaycan saatı" proqramının qismən maliyyələşməsinə yardım etmək niyyətindədir. Əldə etdiyimiz məlumata görə, yönəldilən maliyyə "Azərbaycan saatı" üçün kifayət etməzsə, başqa bir layihənin də ortaya qoyulması mümkündür.
Qeyd edək ki, bir neçə gün öncə, mətbuatda yayılan məlumatda Hafiz Məmmədovun ondan müsahibə alan fransalı jurnalistlərə 16 min dollar dəyərində 2 qol saatı bağışladığı, jurnalistlərin imtinasını qəbul etmədiyi və hədiyyələri bir növ zorən verdiyi qeyd olunur. Bildirilir ki, qol saatlarını məcburən qəbul edən jurnalistlər onları sonradan beynəlxalq söz azadlığını müdafiə təşkilatı olan “Sərhədsiz reportyorlar”a təhvil veriblər. “Sərhədsiz reportyorlar” da bu saatları sataraq, pulunu dünyada mətbuat azadlığına dəstək üçün xərcləyəcək.
