Bu gün Bakıdakı Rusiya İnformasiya və Mədəniyyət Mərkəzində Rusiya Dövlət Duması yanında Gənclər Parlamentinin tədbiri keçirilib. Bildirilib ki, 23 apreldən etibarən Rusiya Federasiyası ilk dəfə olaraq xa0“Böyük Vətən müharibəsi tarixi ilə bağlı Ümumrusiya testi”x9d aksiyası keçirir.
Moderator.az-ın verdiyi xəbərə görə, tədbirin açlışında çıxış edən mərkəzin direktoru Valentin Denisov bu tədbirin 9 May - Qələbə günü münasibətilə təşkil olunduğunu bildirib. O, Rusiya Dövlət Duması yanında Gənclər Parlamenti tərəfindən təşkil olunmuş bu testin Rusiya ilə yanaşı, dünyanın bir sıra ölkəsində, xüsusilə MDB ölkələrində keçirildiyini qeyd edib. V.Denisov qeyd edib ki, Azərbaycan və rus xalqları hər zaman dost olublar və belə də qalacaqlar.
Mərkəzin rəhbərinin sözlərinə görə, onlar 9 may tarixində Nərimanov rayonunda yerləşən “Qardaşlıq”x9d qəbirstanlığa gedərək Böyük Vətən Müharibəsində həlak olan şəxsləri yad edəcəklər.
Daha sonra tədbirdə çıxış edən Milli Məclisin Hüquq siyasəti və dövlət quruculuğu Komitəsinin sədri, Azərbaycan-Rusiya parlamentlərarası əlaqələr üzrə işçi qrupunun rəhbəri Əli Hüseynli qeyd etdi ki, Azərbaycanda 9 may günü hər zaman xüsusi qeyd olunur:
"Təəssüf ki, bu gün bir çox ölkələrdə Böyük Vətən Müharibəsinin tarixini saxtalaşdırmağa və sovet xalqlarının faşizm üzərindəki qələbəsinin qiymətini aşağılamağa cəhd edirlər".
Millət vəkili Azərbaycanın müstəqillik tarixi boyunca belə cəhdlərin olmadığını, qələbənin il dönümünün Azərbaycanda hər il qeyd edildiyini dedi. Əli Hüseynli bildirdi ki, Azərbaycanda belə bir hadisə baş verməyəcək - “biz dədələrimizin və babalarımızın bu böyük qələbədəki əməyinə hər zaman qiymət verəcəyik”x9d.
Azərbaycanın Rusiyadakı səfirinin müavini, Rusiya Dövlət Duması yanında Gənclər Parlamentinin Ekspert Şurasının üzvü Qüdsi Osmanov da çıxışında tədbirin əhəmiyyətini və aktuallığını xüsusi qeyd etdi:
"Bizim xalqlarımızı ümumi keçmiş birləşdirir. Keçmişini bilməyənlər gələcəklərini qura bilməzlər".xa0
Daha sonra aksiya iştirakçıları Böyük Vətən Müharibəsinin tarixindən bəhs edən tematik testlər ediblər. Tədbirdə iştirak edən deputatlar, jurnalistlər, diplomatlar da həmçinin testin cavablandırılmasında iştirak ediblər. Aksiyanın iştirakçıları öz nəticələri barədə aprelin 27-də aze.rs.gov.ru saytında tanış ola bilərlər.
