Məlum olduğu kimi, ötən gün hava limanında saxlanılan və ölkədən gedişinə imkan verilməyən tanınmış yazıçı Əkrəm Əylisliyə qarşı Cinayət Məcəlləsinin 221-ci (xuliqanlıq) maddəsi ilə cinayət işi başlanıb. Maraqlıdır, ölkə ziyalıları Ə.Əylisliyə qarşı açılan cinayət işi haqqında nə düşünür? Onlar zərurət yaranacağı təqdirdə yazıçının müdafiəsinə qalxacaqmı?
Məsələ
ilə bağlı Moderator.az-a açıqlama verən Azərbaycan Ziyalılar Birliyinin sədri
Eldəniz Quliyev Ə.Əylislinin müdafiəsinə hazır olduğunu qeyd etdi:
“Düzü
cinayət işinin açılmağından xəbərim yoxdur... Amma şəxsən mən,
zərurət olacağı təqdirdə Əkrəm Əylislini var-qüvvəmlə müdafiə etməyə çalışacam.
Hesab edirəm ki, hava limanında sərhəd keçid və gömrük əməkdaşları, eləcə də polislər tərəfindən ona
qarşı, yumşaq desək, ədəbsizlik
nümayiş olunub. Keçid məntəqələrində vətəndaşlara bu sayaq hörmətsiz münasibətlər
birinci dəfə deyil ki... Öz təcrübəmdən bunu bilirəm. Nə yazıqlar ki, Azərbaycana
gələn-gedən hər kəs üçün ölkənin qapıları ölkə daxilində hansı səviyyə və hansı
münasibətlər sistemi olduğunun əyani göstəricisidir. Təəssüf ki, bu "göstəricilər"
ölkəmizə baş ucalığı gətirmir... Gələnlər dəhşətə, gedənlər isə vəhşətə gəlirlər.
Bu cür gömrük xidməti olan komitənin rəhbəri çoxdan istefa verməliydi. Normal
(hətta qeyri-normal belə!) ölkədə belə biabırçı gömrük fəaliyyəti bircə kəlməylə
dəyərləndirilə bilər - NONSENS!”x9d
Seymur
Əliyev
