"Məhbəs həyatı şüurlu şəkildə seçdiyimiz yolun bir hissəsi idi. Buna görə də məhbəsdə yatmağımı qeyri-adi hadisə kimi qiymətləndirmirəm".
Bunu Moderator.az-a açıqlamasında dünən prezidentin əfv fərmanı ilə azadlığa çıxmış Azərbaycan Milli Dövlətçilik Partiyasının sədri Nemət Pənahlı bildirib.
Nemət Pənahlı Ərzurumlu İbrahim Hakkıdan sitat gətirərək deyib ki, mevla neylərsə gözəl eylər: "Məni az-çox tanıyırsınızsa yəqin bilərsiniz ki, dediklərimdə yalan yoxdur. Məhbəs yolumuzun bir hissəsi idi, buna görə də nəyəsə görə narahat deyildik. Yolumuza bundan sonra da eyni formada davam edəcəyik".
