Almaniyanın sağ yönümlü populist partiyası AFD sünnət, azan və minarələrin qadağan olunması tələbi ilə çıxış edib.
Partiya eyni zamanda yəhudi və müsəlman uşaqlarının sünnət olunmasına qarşı çıxıb.
AFD partiyasının hazırladığı qanun layihəsi aprelin 30-da Stuttgartda keçiriləcək konqresdə qəbul edilə bilər.
Partiyanın fikrincə, sünnət insan haqlarını kobud şəkildə pozur, insan qürurunu zədələyir, uşaqlara fiziki olaraq zərər verməklə yanaşı, onların azad qərar vermək haqlarını da əllərindən alır.
Moderator.az mövzu ilə bağlı "Tövbə" Cəmiyyətinin sədri Hacı Əbdülün münasibətini öyrənib.xa0
Hacı Əbdül deyib ki, bu qanun layihəsini hazırlayanların məqsədi islam dininə zərbə vurmaqdır: "Onlar hansısa yolla islam dininə zərbə vurmaq istəyirlər. Nə olur-olsun, islamın əleyhinə olsun... Burda başqa heç nə yoxdur".xa0
Hacı Əbdülün sözlərinə görə, sünnət uşaqların qürurunu zədələmir, əksinə insana çox böyük faydası var: "Yəhudilər də sünnət edir, onlar bilmirlər neyləyirlər?"xa0
