“MTN işi”x9d ilə bağlı Baş Prokurorluğun apardığı araşdırmalar və bu araşdırmalar fonunda ortaya çıxan faktlar uzun illər ərzində Azərbaycanın milli təhlükəsizliyinin keşiyində duran generalların nəinki öz vəzifələrinin öhdəsindən layiqincə gəlmədiklərini, hətta bu şəxslərin ölkənin milli təhlükəsizliyi üçün bilavasitə təhlükə törətdiyini sübut etdi. MTN generallarının müdhiş cinayətləri ilə bağlı həm Azərbaycan, həm də dünya mediasında saysız-hessabsız məqalələr dərc olundu ki, bu məqalələrdə də tükürpədici cinayətlərlə bağlı çoxlu sayda informasiyalar yer aldı. Bu gün də öz aktuallığını qoruyan və istintaqı davam edən “MTN işi”x9d ölkə mediası üçün bitib-tükənməyən mövzu mənbəyi olaraq qalmaqdadır. Hansı ki, yaxın gələcəkdə yazıçı, kinossenarist və s. kimi digər yaradıcı şəxslərin də bu zəngin və hürküdücü mənbədən faydalanacağı istisna deyil. Belə ki, “MTN işi”x9d çərçivəsində baş verən olayların maraqlı romanlar, filmlər üçün əvəzedilməz ideya mənbəyi olduğu, sabiq MTN generallaırnın cinayətindən bəhs edən kitab və filmlərin heç bir halda oxucu qıtlığından əziyyət çəkməyəcəyi birmənalıdır.
Maraqlıdır,
yaradıcı insanların MTN işindən bəhrələnmək niyyəti varmı? Onlar MTN
generallarının cinayətindən bəhs edəcək əsərlərin, filmlərin perspektivinə
inanırmı?
Bununla
bağlı Moderator.az-a açıqlama verən Azərbaycan Ziyalılar Birliyinin sədri,
tanınmış yazıçı-ssenarist Eldəniz Quliyev “MTN işi”x9d ilə bağlı olayların maraqlı
filmlər üçün sitimul ola biləcəyini vurğuladı. E.Quliyevin sözlərinə görə, əgər
sabiq MTN generallaırnın törətdiyi qanunsuzluqlarla bağlı film çəkilərsə, bu
cür filmdən böyük gəlir əldə etmək mümkün olar:
“Bəli,
düşünürəm ki, belə bir filmin çəkilməsi geniş tamaşaçı marağı doğurardı, eyni
zamanda, böyük gəlir də gətirərdi. Ancaq bu mövzulu ssenarilərin Azərbaycanda
reallaşması bir o qədər də ağılabatan deyil; çünki siz demiş, məmləkətin milli təhlükəsizliyi
keşiyində dayanmalı olan generallar və digər yüksək çinli zabitlər ölkənin
milli təhlükəsizliyi üçün böyük təhlükə törədirsə, dəhşətli cinayətlərə imza
atırsa, deməli, həmin dövlətin özü, daha doğrusu onun mahiyyəti elə təhlükə mənbəyidir.
Deməyim budur ki, keçmiş MTN-nin kriminal-suprut əməlləri əslində, mövcud
hakimiyyətin idarəçilik üsul-idarəsindəki qüsurları aşkarlamaq üçün vasitə ola
bilər. Təbii ki, belə bir filmin ərəsəyə gəlməsinə qətiyyən imkan verməzlər.
Amma yenə deyirəm: kriminal, detektiv, hətta triller janrında maraqlı bir film
çəkməyə yetərincə "həyati material"var. Əlavə edim ki, haqqında
danışdığımız bu reallıq, şəxsən məndə çöx acı təəssüf hissi doğurur...”x9d
Seymur
Əliyev
