ADR sədrinin müavini Səxavət Əlisoy Moderator.az-a açıqlamasında 2016-cı illə bağlı proqnozlarını açıqlayıb. S.Əlisoyun qənaətincə, Azərbaycan mövcud iqtisadi böhrandan xilas olması mümkündür. Lakin bunun üçün ciddi islahatların həyata keçirilməsi vacibdir:
“2016-cı
il Azərbaycan üçün çətin olacaq. Neftin gündən-günə ucuzlaşması bunu deyir.
Ciddi iqtisadi islahatların prezident tərəfindən anonsu verilib və bu
islahatlar reallaşdığı halda Azərbaycan mövcud iqtisadi böhrandan ağrısız xilas
ola bilər. İş adamlarına münbit şəraitin yaradılması, rüşvətin, korrupsiyanın və
monopoliyanın durdurulması çox vacibdir. Eyni zamanda, gerçək demokratiyanın
oturuşması üçün dövlət ciddi addımlar atmalıdır. Müxalifət institunun bərqərar
olması dövlətin imicinə müsbət təsir edər. Müxalif qüvvələrin blokadaya
alınması, dövlət üçün təhlükə mənbəyinə çevrilən bəzi radikal, ekstremist
qrupların baş qaldırmasına rəvac verəcək.
10
milyon əhalisi olan Azərbaycan kiçik bir dövlətdir. Azərbaycan tipli dövlətlərin
özəlliyi ondadır ki, rüşvətin, korrupsiyanın hansı qüvvəlkər tərəfindən törədildiyini
hər kəs bilir. Azərbaycan dövlətini rüşvət, korrupsiya və monopoliya məhvə
aparır. Prezident İlham Əliyev bunun qarşısını ala biləcəksə, Azərbaycan ən
ağır iqtisadi böhrandan belə ciddi fəsad görmədən çıxa bilər. Ümumiyyətlə,
2016-cı il rüşvətə və korrupsiyaya qarşı mübarizə ili elan olunarsa, neftin
ucuzlaşması o qədər də önəm daşımaz.
Azərbaycan
Ərəbistan yarımadasında, yaxud Orta Asiyada yerləşmir. Azərbaycan Avropanın bir
hissəsidir. Avropa evinə daxil olmaq istəyiriksə demokratiyanın bütün elementlərinin
Azərbaycanda bərqərar olması təmin olunmalıdır. Kəsəsi, 2016-cı ilin Azərbaycan
üçün necəliyi prezident İlham Əliyevdən asılıdır. O fikirdəyəm ki, rüşvətə və
korrupsiyaya qarşı müharibənin anonsunu verən prezident 2016-cı ildə
demokratiyanın inkişafı üçün mühüm qərarlar qəbul edəcək”x9d.
Seymur Əliyev
