Bəzi “Azərbaycan ziyalı”x9dlarının “Türkiyə Rusiyadan
üzr istəsin”x9d fikrinə ictimai qınaqlar davam edir. Tanınmış iqtisadçı ekspert
Elçin Qurbanovun redaksiyamıza göndərdiyi yazı da eyni qəbildəndir.
Qeyd edək ki, ekspertin Moderator.az-a verdiyi məlumata
görə, o, artıq ölkə başçısı İlham Əliyevə həmin ziyalılarla bağlı ölçü götürməsi üçün müraciət edib. E. Qurbanov bu adamların qardaş ölkəyə
buraxılmaması üçün Türkiyə səfirliyinə də müraciət edəcəyini bildirib.
Ekspertin redaksiyamıza göndərdiyi yazısını təqdim
edirik:
"Türk patriotizmindən ibrət almaq lazımdır. Rusiya
özbaşnalığına göstərilən təpki iki ölkə arasında ifrat dərəcədə gərginliyin
meydana gəlməsinə şərait yaratdı. Hələ utanmazcasına Medvedyevin Türkiyəni
cinayətkar adlandırması bu günkü Rusiya hakimiyyətinin siyasi səriştəsizliyinin
əyani göstəricisiydi. Amma milli maraqların iqtisadi və geosiyasi maraqlardan
daha öndə olması bir daha türk xalqının dövlətçilik təfəkkürünün nə qədər dərin
və mükəmməl olmasını bütün türkəsilli xalqlara nümunə olaraq təqdim etdi. Türk
xalqı türkmən qardaşlarının qətlə yetirilməsini heç bir iqtisadi maraqlara
qurban verə bilməməsi , eynilə 1918-ci ilin martında ağır siyasi vəziyyətdə
olmasına baxmayaraq, Azərbaycanda və Dağıstanda türk müsəlmanlara qarşı qətliamların
qarşısının alınması üçün Qafqaz İslam Ordusunun Qazfqaza yürüşü heç vaxt
unudula bilməz.
Təəssüflər olsun ki, Araz Əlizadə kimi deputatlar
daşı qardaş türkə atırlar. Səhv etmirəmsə, o zaman Nuru paşa bu Bakılı
deputatın nənə babalarını da qəsbkarlardan xilas ediblər. Sənin həmyerlilərin
çar ordusunun generalı Sisyanovu qoşa qala qapıları qarşısında 1806 ”“ cı ildə
qanına qəltan ediblər. Amma sənin müdafiə etdiyin qüvvə rus imperializminin
gürcü əslli rusiya generalı Sisyanov Azərbaycan xanlıqlarını, o cümlədən Cavad
xanı qətlə yetirən dövlətin varisidir.
Vətənimizi işğal edib 1828 ”“ci ildə Türkmənçay
müqaviləsindən sonra kütləvi şəkildə Azərbaycana ermənilərin yerləşdirilməsi,
1849 ”“cu ildə İrevan quberniyasını erməni dövləti elan edən rusa qardaş olan
deputat, heç olmazsa 20 yanvar şəhidlərinin ruhuna ehtiram etməliydiniz. Görəsən
Araz Əlizadə millətinin adını bilirmi . Əgər bilirsə qoy ifadə etsin. Savadınız
və vətənpərvərliyiniz aşıb daşır.
Mən bu gün çox sevindim, ona görə ki, Rusiya
özbaşnalığına qarşı ən adekvat addım atanlardan biri slavyan əslli Ukrayna oldu
. Bu gün hökumətin iclasında Ukrayna baş naziri Arseni Yatsenyuk ölkənin ən iri
neft-qaz şirkəti “Naftoqaz”x9da Rusiyadan qaz alınmasını dayandırmaq barədə göstəriş
verdi. Ardınca qaldırılan məsələ Ukraynanın hava məkanının Rusiya üçün qapalı
elan olunması ilə bağlıdır.
Bundan sonra Rusiya aviaşirkətləri tranzit uçuşlar
üçün də Ukrayna ərazisindən keçə bilməyəcək. Amma bizim deputatımız rus
boyunduruğu altında yaşamağın tərəfdarıdır. Mən üzümü ölkə başçısına tutub
müraciət edirəm, əgər Milli deyilən Məclisdə bu təfəkkürlü deputat olacaqsa,
vay bizim halımıza!
Görəsən Babəkin lənəti daha neçə yüz illər bu
xalqın üzərində qalacaq? Babək belələrinin əlindən qəhərlənib “ Qoy, həmişə nəsibiniz
köləlik, məzlumluq və zəlalət olsun”x9d!- deyə lənət etmişdir. Tanrı bizi bu lənətdən
xilas etsin. Bunun üçün belə deputatlardan da xilas olmaq lazımdır!"
