"Onlar məndən nəyisə oğurlaya bilərlər, amma..." Elçin Qurbanov

34 saylı Xətai II seçki dairəsindən deputatlığa namizəd Elçin Qurbanovun saytımız vasitəsilə də təqdim etdiyi seçki platforması maraqla qarşılanır. Artıq onun youtube yerləşdirdiyi həmin platformasının videosu 23 mindən artıq vətəndas tərəfindən izlənilib, Maraqlıdır ki, namizədin platformasında irəli sürdüyü bəzi fikirlər müxtəlif telekanalların da diqqətini cəlb etmişə bənzəyir. Bu yaxınlarda telekanlların birində bu mülahizələrlə bağlı verilişlərin hazırlanması barədə ananslar verilir.

Telekanalların bu təşəbbüsünü plagiatlıq kimi qiymətləndirən Elçin Qurbanov saytımızın sualına verdiyi yazılı açılamasında deyib: “Onlar hələ  başa  düşə  bilmədilər ki, müəllifi olmadıqları hikmətlərin əvvəlini başlasalar da arxasını  gətirə   bilməyəcəklər”x9d.

Elçin Qurbanovun yazılı açıqlamasının mətnini Moderator.az oxucularına təqdim edirik:

Bu platformaya qiymət verə  bilməyən əsl azərbaycanlı ola  bilməz. İnsanlarda ən dəhşətli  şəkildə gedən kütləşmə onları  heç  vaxt  eşitmədikləri həqiqətlərdən  məhrum edə bilər. Səbrini basıb qulaq verə  bilməyən hər kəs bu təşfiqat  prossesindən götürə biləcəyi çox şeyi itirəcək .  Biz  keçmişi məhv edilmiş, gələcəyi  isə  təhlükə altına atılmış  xalqımızın  özünə dönüşünə  aparan yola bələdçilik etmək istədik.  Mənəviyyatımızın  əsası  olan İslam  peyğəmbərinin  təhqirini Azərbaycanın qədim tarixinə  calanmasının  tarixi  diversiya  məqsədi daşıdığını  cəmiyyətə  təqdim  etdik.  İnsanlara  təxribatçını tanımaq üçün ipucu da verdik.   Saatlı  bombanın əlverişli şəraitdə  işə salınacağından da xəbərdar  etdik .

Biz Azərbaycanın bütün dünya mənəviyyatının formalaşmasında əhəmiyyətli məmləkət olduğunu, bəşər  tarixinin ən şərəfli əvvəli , sözün başlandığı  və bitdiyi  yer olduğunu bəyan  etdik. Biz dünyanın  bilmədiyi sirlərindən, müqəddəs əmanətlərindən  insanlığa  bilgilər ehsan etdik.  Bunları Rus, Türk və Azəri dillərində də tərcümə ilə verdik . Biz cəmiyyətin sağlam gələcəyini qarant altına ala  biləcək mənəviyyat və qanunçuluğun  mütərəqqi  prinsiplərə xidmət  edə biləcəyi konsepsiyanın əsaslarını da insanların diqqətinə ərz etdik.  Amma özünü ağıllı sayıb nəyin qarşısını  kəsmək istədiklərini  və  nəyə  mane olmalarının fərqinə  varmadan namizədliyimi geri  götürməyimi  də  xahiş etməkdən  çəkinmədilər.

Şübhəsiz  ki, bu əmanətlərdən qarşı tərəf (ermənilər) daha çevik yararlana  bilər. Necə ki,  bizdən söz  oğurlayıb  tarix  verilişi  hazırlayan  plagiat  yaradıcı  tarixçilərimiz  kimi. Onlar hələ  başa  düşə  bilmədilər ki, müəllifi olmadıqları hikmətlərin əvvəlini başlasalar da arxasını  gətirə   bilməyəcəklər. Bu  hikmətlər  onların  dilində heç nə ifadə  etməyəcək.

Dəfələrlə ölkədə xəyanətin tüğyan etdiyini bildirsəm də buna lazımi səviyyədə əhəmiyyət  verilməmişdir.  Bu gün nəticəsi dövlətə  xəyanət kimi ifşa  olunacaq MTN-nin yıxılmış cəsədinə daş atmaq qədər cılız əməllərdə bulunanlar, yıxılmışı tənqid etməklə  ölkə başçısının  rəğbətini qazanmaq istəyənlər yaxşı bilirlər ki,  özləri  ifşa edilmiş  xəyanətkardan daha  qorxulu  xəyanətkarlardır.  Onlar daha yaxşı nə bacarırlar?  Məyər  yaltaqdan daha böyük  xəyanətkar varmı?  Yaltaqlıq  ifrat  fərdi mənafenin və özünə sevginin  təbii  xüsusiyyətləridir. Adil və dürüst insanda  bu keyfiyyətsizliklər  olmur.                                     

 Hörmətli həmvətənlər, hər kəsi  daha diqqətli və sayıq olmağa  çağırıram . Tarixin saxtakarlıqlarından ibrət  götürməyənlər, daha böyük saxtakarlığın  qurbanına  çevriləcəyi qaçılmazdır.

Elçin Qurbanovun seçki platformasıyla aşağıdakı linkdə tanış ola bilərsiniz.