Ukrayna hərbçiləri kvadrokopterlə ölmüş işğalçının ratsiyasını(səyyar radiostansiya) mövqelərindən götürərək 10 günə yaxın Rusiya hərbçilərinin danışıqlarını dinləməyə nail olublar.
Moderator.az "GORDON"a istinadla xəbər verir ki, könüllü Sergey Prytula dronun əməliyyatı həyata keçirməsini əks etdirən videonu özünün "YouTube" kanalında yerləşdirib.
Onun sözlərinə görə, bu maraqlı hadisə dekabrın əvvəlində Seversk-Soledar istiqamətində "K2" döyüş qrupunun başına gəlib.
"Cəbhə xəttində Rusiya işğalçısı Ukraynanı görərək ölüb. Amma o, özündən sonra səngərin yanında qalan ratsiyasını "miras" qoyub. "K2" döyüşçüləri fikirləşiblər ki, belə bir xeyirli vasitə boş qalmamalıdır və pilotsuz uçan aparatı işə salaraq iplə oraya yollayıblar. Bir az əlləşməli olsalar da, ratsiyanı götürə biliblər. Sonra daha 9 gün rus işğalçılarının gizli söhbətlərinə qulaq asıbılar. Və danışıqlar çox dinləndikcə işğalçılar da bir o qədər az qalırdı” -deyə Prytula bildirib.
Onun sözlərinə görə, ukraynalı hərbçilərə operatorun məharəti ilə yanaşı, rusların bir ratsiyanın itirilməsi halında, təhlükəsizlik protokolunun tələb etdiyi kimi, radio stansiyalarını yenidən proqramlaşdırmaması kömək edib.
Sultan Laçın
