Koronavirus kişilər üçün daha təhlükəlidir

Cinsi hormonlar immunitet sisteminin işinə təsir etdiyinə görə kişilər koronavirus infeksiyasını daha ağır keçirirlər.

Bizim.Media xəbər verir ki, bunu Rusiyalı həkim, immunoloq-allerqoloq Vladimir Bolibok deyib:

“Qadın cinsi hormonları olan estrogenlər qoruyucu zülalların, antikorların hüceyrələrə nüfuz etməsini asanlaşdırır. Bu səbəbdən antikor istehsalı ilə minimal səviyyədə immun cavab reaksiyası belə qadınlarda olan bu antikorların hüceyrəyə daha asan və daha sürətli nüfuz etməsinə və virusları hüceyrə daxilində məhv etməsinə gətirib çıxarır ”.

Bolibok həmçinin bildirib ki, kişilər ateroskleroz xəstəliyindən də daha çox əziyyət çəkirlər. Bu da kişi hormonlarının təsirindəndir.

Həkim onu da qeyd edib ki, COVID-19  infeksiyasını yüngül keçirmək üçün damarların daxili astarının vəziyyəti də çox önəmlidir. Koronavirus infeksiyası fonunda kişilərdə tromboz qadınlara nisbətən daha tez və geniş rast gəlinir.

Bizim.Media