Argentina prezidenti Kristina Fernandes de Kirşnerin rəqsi internetdə sensasiyaya çevrilib.
Oxu.Az-ın məlumatına görə, gazeta.ru bu barədə The Telegraph-a istinadən xəbər verib.
Argentina rəhbəri iqtidar partiya tərəfindən ölkə rəhbəri postuna namizədliyi irəli sürülən Buenos-Ayres qubernatoru Daniel Stsiolini dəstəkləməyə gəlib. Seçkiqabağı aksiyanın sonunda siyasi mahnı səslənib, məhz bu mahnının sədaları altında Argentinanın cari prezidenti öz rəqqaslıq məharətlərini nümayiş etdirib.
Rəqs bir neçə dəqiqə davam edib. Kirşner toplaşanları “kirşnerçilər”x9d hərəkatının rəmzi olan jestlə özünəməxsus tərzdə salamlayıb.
Stsioli prezident seçkilərinin favoriti hesab edilir. Argentinada seçkilərin birinci mərhələsi oktyabrın 25-nə planlaşdırılıb.
