Xerardo Krus Barqueyronu küçədə döyürdülər. Polis özünü çatdırmasaydı, kütlə onu öldürə də bilərdi.
Səbəb 47 yaşlı Xerardonun səkidə yeriyən qadına arxadan yaxınlaşaraq əlindəki smartfonla "çəkiliş" aparması idi.
Milli.Az Daily Mail-ə istinadən bildirir ki, olay Kosta-Rikanın paytaxtı San-Xosedə yaşanıb.
Xerardo Krus Barqueyronun əlindəki smartfonun kamerasını önündəki qadının yubkasının altına yönəltdiyini 18 yaşlı gənc görüb.
Gənc əvvəlcə qadına yaxınlaşaraq: "Sizi o kişi çəkirdi", - deyib, sonra aradan çıxmağa çalışan Xerardonu haqlayaraq: "Utanmırsınız, manyak kimi davranırsınız, əxlaqsızlıq edirsiniz", - deyib.
Xerardo Krus Barqueyro: "Sən nə danışırsan?!" - söyləyərək mübahisəyə başlayanda ətrafa insanlar toplaşmağa başlayıblar.
Barqueyro taksiyə oturaraq aradan çıxmaq istəsə də, toplaşanlar onu sürüyüb maşından salıblar.
Az sonra isə Barqueyro döyülüb.
